صالح جمعة يهاجم فايلر: مدرب عنصري ومكانش في كيميا ما بينا
رد صالح جمعة لاعب الكرخ العراقي والأهلي سابقا على اتهامه دائما بالسهر المتكرر خلال مسيرته الكروية الفترة الماضية.
صالح جمعة يرد على اتهامه بالسهر المتكرر خلال مسيرته الكروية
وقال صالح جمعة في تصريحات إعلامية: في بداياتي كنت شاب صغير عايش برا لما رحت ألمانيا ورحت البرتغال أي شاب بيعدي في مرحلة مراهقة في حياته لكن مع مرور السنين ندمت على الفترة دي وإحنا جيل اتظلم بسبب السوشيال ميديا كان في ناس زمان بتعمل أوحش من كده.
وبشأن فترته في النادي الأهلي، يرى صالح جمعة أن المدرب السويسري رينيه فايلر المدير الفني الأسبق للفريق الأول لكرة القدم في النادي الأهلي كان مدربًا عنصريًا.
وزاد: تريزيجيه أكتر لاعب متدين وصريح طلع قال على فايلر إنه مدرب عنصري ومش عادل وأنا قولت لـ فايلر الكلام ده في وشه قولتله أنت عنصري.
وأضاف: فايلر كان أول مباراة له ونداني عشان أنزل والجمهور زام ووجه لي التحية فشعر بالغيرة مني بسبب حب الجمهور لي واتكلم مع سامي قمصان وقاله مين ده يعني؟ سامي قاله صالح الجمهور بيحبه واللاعب مهاري.
واختتم صالح جمعة قائلا: المدربين اللي من سويسرا 90% منهم عنصريين وكان كل القرارات اللي فايلر بياخدها معايا كنت برفضها يعني خش الجيم إجباري كنت برفض اتمرن لوحدك كنت برفض مكانش في كيميا ما بينا نهائي لأني عارف حقوقي ولأني محترف.
