بعد 19 عاما من عرضه.. معتز التوني: سعيد بتداول كوميك زكي شان لحد النهاردة| فيديو
علق الفنان معتز التوني، على مشهده الشهير في فيلم زكي شان، والذي مازال متداولا بين رواد مواقع التواصل الاجتماعي بشكل كبير رغم مرور 19 عاما على عرضه.
وقال معتز التوني خلال لقائه بـ القاهرة 24: بتبسط جدا إن الناس فاكرين المشهد ده والحاجات الصغيرة دي، وإن المشهد علّم جدا مع الناس، وكواليس الفيلم فاكرها وكانت حلوة جدا، وبتكلم عادي دلوقتي مش زي لدغة السين في المشهد.
فيلم زكي شان
عرض فيلم زكي شان في عام 2005، وشارك في بطولته العديد من الفنانين، بجانب الفنان أحمد حلمي، أبرزهم الفنانة ياسمين عبد العزيز، الراحل حسن حسني، محمود البزاوي، نهاد نور، يوسف داود، أمير كرارة، وآخرين، والعمل من إخراج وائل إحسان.
أعمال معتز التوني
وعلى جانب آخر، بدأ عرض فيلم إكس مراتي لـ معتز التوني، في دور عرض السينمات، ويشارك في بطولته كل من الفنان محمد ممدوح، هشام ماجد، أمينة خليل، خالد كمال، مصطفى غريب، وغيرهم.
وسبق وتحدث معتز التوني عن فيلم إكس مراتي، خلال لقائه مع القاهرة 24، حيث قال: فكرة الفيلم كانت عندي وأنا كنت كاتبها سيناريو، وأنا عاجبني فكرة أن في ناس بتتطلق طيب بعد الطلاق وضع الإكس إيه؟، فكرنا في فكرة فيلم تليق معانا ومع الحدوتة المصرية أكتر أن ده بيحصل هنا، وده اللي خلاني أفكر في الفكرة واشتغل عليها، وأنا بحب الفيلم ده جدًا كان عندي من سنتين ونص.
