محمد أنور: محمد سلام هو اللي رشحني لمسرحية زواج اصطناعي.. وكنت متدمر نفسيا أكتر منه| فيديو
علق الفنان محمد أنور، على الجدل الذي أُثير حوله بعد تعاقده على مسرحية زواج اصطناعي، وذلك بعد اعتذار محمد سلام عنها، بسبب تأثره بأحداث فلسطين المأساوية.
وقال محمد أنور خلال ندوته بـ القاهرة 24: محمد سلام أخويا وأنا كمتفرج بحبه جدا، والناس عملت حملة على السوشيال ميديا ولكن الحقيقة إن مفيش بيني وبينه أي حاجة، بالعكس هو اللي رشحني لمسرحية زواج اصطناعي، بعد ما اعتذر عنها بسبب حزنه على فلسطين.
وأضاف محمد أنور: وأنا مش رايح ضده وربنا يعلم ممكن أكون كنت متدمر أكتر من محمد سلام، والناس قالتلي إني بعت القضية الفلسطينية وأنا كنت شايف إن ده أكل عيشي.
وأكمل محمد أنور: و100 بني آدم شغال ورا الكاميرا لما استقبلوني في المطار وحضنوني وعيطوا قالولي الله يباركلك إحنا بقالنا كتير مستنيين فلوس المسرحية دي وشكرا إنك مقطعتش عيشنا.
محمد أنور: كنت أتمنى محمد سلام يدافع عني
وواصل محمد أنور: كلمت سلام ورجعت من المطار عليه روحتله مكتب محمد إمام واتكلمنا، واتبهدلت جدا وقتها لكن مطلعتش أتكلم عشان مكنش هيفرق معايا، غير إني هكون بشارك في إن الناس متركزش في الحدث الأهم، وهو أحداث فلسطين، ولو عدم تنفيذ شغلي كان هيفيد فلسطين كنت هعمل كدة، وكنت أتمنى في الفترة اللي بتشتم فيها إن محمد سلام ينزل ستوري يقول مفيش حاجة بينا ويوضح.
أزمة محمد أنور ومحمد سلام
وسبق واعتذر محمد سلام عن عدم المشاركة في مسرحية زواج اصطناعي بموسم الرياض، التي عرضت يوم 30 أكتوبر الماضي، مشيرًا إلى أنه لن يستطيع المشاركة بعمل كوميدي استعراضي، خلال أحداث فلسطين خلال تلك الفترة، ثم تعاقد عليها محمد أنور، مما عرضه للعديد من الانتقادات.
