قاله دي نجمة.. يسرا تكشف حقيقة رفض صالح سليم زواجها من نجله خالد

تحدثت الفنانة يسرا عن ما تردد بشأن رفض الكابتن صالح سليم، رئيس نادي الأهلي السابق، لزواجها من نجله خالد، مؤكدة أن كل ما أثير حول هذا الأمر غير حقيقي وعارٍ من الصحة.

حقيقة رفض صالح سليم زواج يسرا من نجله

وقالت يسرا في تصريحات تليفزيونية: الكلام ده مش صحيح، صالح هو اللي مربيني، وهو وخالي كانوا شلة واحدة، وكل اللي اتقال عن الموضوع ده غير صحيح، كل اللي قاله صالح لـ خالد وقتها أن الست دي نجمة، هتستحملها هتتجوزها، مش هتستحملها متتجوزهاش.

وعن عدم إعلان زواجهما في البداية، أوضحت يسرا: سبب عدم إعلان زواجنا وقتها بسبب مرض صالح سليم، ولما سافر يتعالج بره مصر، ورجع قالنا يا ولاد أعلن زواجكم قولناله لا ملهاش لازمة دلوقتي.

زيجات يسرا

وكشف يسرا عدد زيجاتها، إذ قالت: أنا أتجوزت مرتين، المرة الأولى مكنتش موافقة، والمرة الثانية كانت من خالد سليم.

وعن طفولتها، قالت يسرا إن أول لقاء بينها وبين والدها كان في عمر الـ 5 سنوات، موضحة: بابا كان مطلق ماما من قبل ما أتولد، وأول مرة أشوفه كان عندي 5 سنين ومشوفتوش قبل كدا، وعشت معاه من سن 14 لـ 21 سنة، وخدني غصب عني.

وكشفت يسرا تفاصيل لقائها الأول بالمخرج الراحل يوسف شاهين، مشيرة إلى أنها أعربت عن حبها الشديد له في أول نظرة بينهما، إذ قالت: أنا مكنتش شوفت يوسف شاهين، بس أعرفه، وأول ما شوفته قولتله أنا بحبك، وهو قال قبل كدا عليا أنه خدني أمثل معاه وأنا نجمة أنا معملتهاش نجمة.

يسرا تكشف تفاصيل أول لقاء بينها وبين الراحل يوسف شاهين