محمد أنور: الناس بتشوفني شبه ابن خالتهم لأني شبه كل المصريين | فيديو
تحدث الفنان محمد أنور، عن أغرب المواقف التي يتعرض لها مع الجمهور، عندما يقابلهم بالشارع، مشيرًا إلى إنه دائما ما يكون هناك ألفة تجمعه بالجمهور.
وقال محمد أنور خلال ندوته بـ القاهرة 24: كل الناس شايفيني شبه ابن خالتهم مش ابن عمهم مثلا، ودي حاجة حلوة وبتبسطني وفي ألفة بيني وبين الناس وده لأني شبه كل المصريين، والعلاقة بينا بتمتد يعزموني على الغدا.
محمد أنور يتحدث عن بداياته: شقينا وتعبنا
وسبق وتحدث محمد أنور، عن بداياته والعقبات التي مر بها، قائلا: إحنا شقينا وتعبنا، ومش بقول كده علشان الناس تقول أنت بتحكي قصة كفاح، بس أنا بقول بجد لو أنت فضلت ورا حلمك بجد هتوصل وربنا هيكرمك، إحنا كنا بنقعد على القهوة فوق الـ 70 بني آدم، وقعدنا نقل والناس غصب عنها من ضغوط الحياة سابوا الشغلانة، وفيه منهم راح يشتغل في شركة الكهرباء.
كما علق محمد أنور على الجدل حول تعاقده على مسرحية زواج اصطناعي، بعد اعتذار محمد سلام عنها، قائلا: سلام أخويا وأنا كمتفرج بحبه جدا، والناس عملت حملة على السوشيال ميديا ولكن الحقيقة إن مفيش بيني وبينه أي حاجة، بالعكس هو اللي رشحني لمسرحية زواج اصطناعي، بعد ما اعتذر عنها بسبب حزنه على فلسطين.
