محمد أنور: جوازتي أحسن جوازة في الدنيا
أكد الفنان محمد أنور، على أن زيجته تعد أفضل زيجة في العالم، وليست سامّة كـ اسم فيلمه الجديد، جوازة توكسيك.
وقال محمد أنور خلال ندوته بـ القاهرة 24: جوازتي الحمد لله أحسن جوازة في الدنيا، ولما بجرب إفيه على المسرح وأشوف إنه مش بيضحك، على طول بقرر مش هقوله في مسرح مصر تاني، وبنقعد إحنا نضحك عليه في الكواليس.
وسبق وتحدث محمد أنور، عن بداياته والمعاناة التي عانى منها في بداياته، حيث أوضح أنه عانى رفقة أصدقائه بمسرح مصر، حتى توفرت لهم الفرصة الحقيقية قبل شهرتهم، وقال محمد أنور خلال ندوته بـ القاهرة 24: إحنا شقينا وتعبنا، ومش بقول كده علشان الناس تقول أنت بتحكي قصة كفاح، بس لأ أنا بقول بجد لو أنت فضلت ورا حلمك بجد هتوصل وربنا هيكرمك، إحنا كنا بنقعد على القهوة فوق الـ 70 بني آدم، والناس غصب عنها من ضغوط الحياة سابوا الشغلانة وفيه منهم راح يشتغل في شركة الكهرباء.
وأردف محمد أنور: أنا وأبطال مسرح مصر استنينا ومكناش عارفين إن الفرصة هتيجي، يمكن لو كانت اتأخرت شوية كمان كنا يأسنا، والله العظيم كنت بدور على وظيفة حكومية في شركة الكهرباء في نفس اليوم اللي جاتلي فيه مسرحية شيزلونج اللي كانت فاتحة خير عليا.
محمد أنور يتحدث عن أحداث فلسطين
وفي سياق مختلف، تحدث محمد أنور، عن أزمة حذف فيديو بكائه بسبب الأحداث الفلسطينية، قائلًا: أحداث فلسطين أثرت علينا كلنا بالسلب نفسيًا، أيًا كان حتى لو بتمارس حياتك بشكل طبيعي ولكنها هتفضل جوانا وإحنا لغاية دلوقتي فاكرين محمد الدرة، واللي بيحصل دلوقتي هيفضل مأثر فينا لـ سنين طويلة.
