سوما عن تعاونها مع نصر محروس: وفى بـ وعده ليا.. وشُفت في عينه نظرة نجاح وإصرار
تحدثت المطربة سوما، عن تفاصيل عودتها من جديد بعد غياب سنوات، بـ أغنية لم عشمك، التي تعاونت فيها مع المنتج نصر محروس، حيث أكدت أنه من أكبر الداعمين لها منذ بدايتها الفنية.
وقالت سوما، في لقائها مع القاهرة 24، عن المنتج نصر محروس: من أول ما دخلت عالم المزيكا والغناء وهو بيدعمني، ومن بدايتي معاه شفت في عينه نظرة نجاح وإصرار وقالي هنرجع وهننجح.
وأضافت سوما: آل محروس أكتر ناس وقفوا معايا في أزمتي الصحية، وده على الرغم من وفاة والدهم الراجل اللي بوجه ليه تحية كان من أكبر الداعمين ليا من أول ما دخلت الشركة، وعلى الرغم من حزنهم الشديد عليه ولكن في فترة مرضي نصر محروس مسبنيش ووقف جمبي ودعمني، وقالي هنرجع تاني ووفى بوعده.
سوما: عمري ما فكرت في الاعتزال
كما أكدت المطربة سوما، أنها لم تفكر في الاعتزال على الإطلاق، وأن ابتعادها كان بسبب مرضها وليس أكثر، قائلة: عمري ما فكرت في الاعتزال لأني بحب الغناء جدًا، والغناء مش زي ما الناس فاهمة شغل هو حياة وهواية وشخصية وبعبر عن كل حاجة في حياتي بالغناء لو زعلانة أو فرحانة، وربنا بيورينا أنه ممكن إزاي يغير من حال لحال والحمد لله إني وقفت على رجلي تاني.
