بعد دهس زوجها لمواطن.. زوجة عصام صاصا: الناس بتهاجم المشهور علشان معاه فلوس ومينفعش يغلط
أعربت زوجة مغني المهرجانات عصام صاصا، عن استيائها من انتقاد الجمهور للفنانين والمشهورين، بسبب الفكرة المأخوذة عن جميع الفنانين بأنهم أصحاب أموال ولديهم ملايين الجنيهات والحياة لديهم مرفهة.
وكتبت زوجة عصام صاصا، ستوري عبر حسابها الشخصي على انستجرام، قالت فيه: في ناس شايفة الغلط بمزاجها وشايفة إن هما اللي صح ومش بيظلموا غيرهم، وإن الغلط دا لو هما عملوه هيبقى غصب عنهم بس لو حد غيرهم عملوا يبقى يستاهل، خلال 3 شهور حصل كام موقف كده، لقيت ناس بتهاجم الشخص مش علشان هو غلط لأ، علشان هو مشهور، ما مينفعش تعمل زينا يعني المشهور ميعملش الغلط والى مش مشهور يعملوا عادي.
وأضافت: لقيت الناس بتبرر الكره والحقد بس في صورة تانية إلي هو أي واحد أو واحدة عندها نقص في حاجة لو غلطوا يقولو غصب عني، وعايزين كل الناس تشوفهم مظلومين، مع إن هم هم إلي لو شافو مشهور غصب عنه عمل غلط، أول ناس بتهاجمه، كأن المشهور مش بني آدم.
تصريحات زوجة عصام صاصا
وتابعت: مش متخلية إني عايشة وسط ناس بتبرر الغلط لو ليهم، وتهاجم غيرها وتقول هو عشان معاه فلوس يجي على الغلبان، أنا كنت فاكره العيب فيا وفي حياتي اكتشفت من كام مشكلة حصلت على الميديا مع غيرنا إن الناس بتبرر الغلط لنفسها، ولما غيرهم يعملوا غلط يقولوا لأ غلط، وفي الحقيقة الغلط غلط والصح صح، واللى معاه فلوس زي الى مش معاه.
