الشاعر إسلام خليل لـ رضا البحراوي: الأغاني اللي اتعرفت بيها مش بتاعتك.. وبتقطع عيش أصحابها لما تغنيها
هاجم الشاعر إسلام خليل، الفنان رضا البحراوي، لأنه غنى أغاني ليست له في الأفراح، وهذا يعتبر تعديا على حقوقها الفكرية والملكية، كما أشار إلى أنه يجب أن يصنع أعماله الخاصة به، لأن الاستيلاء على أغنية ليست له يعتبر قطعا في الرزق لبعض المطربين.
الشاعر إسلام خليل يهاجم رضا البحراوي
شارك إسلام خليل متابعيه مقطع فيديو عبر حسابه الشخصي بموقع تيك توك، جاء فيه: يا أستاذ رضا في حاجة اسمها حقوق الملكية الفكرية الكلمة زي الفلوس والدهب، لما تتاخد بدون وجه حق فدي سرقة، وأنت المفروض بقيت نجم وبقى ليك اسم، والمفروض تصرفاتك تكون قد النجومية اللي بقيت فيها.
وأضاف إسلام خليل: اطلب منى أغنية وأنا هكتبهالك هدية، لو مش عايز تدفع حقها، وأنا غني عن التعريف بأعمال الكتير اللي قدمتها كفاية تاريخي الطويل مع الفنان شعبان عبد الرحيم وكل الألحان الفنان شعبان عبد الرحيم مسجلة في جمعية المؤلفين والملحنين باسمي، ولا أنت غاوي الناس ترفع عليك قضية، أنا عارف إنك لسه دافع مبلغ بسبب لحن قديم أنت غنيته وابنه خد منك فلوس.
إسلام خليل لـ رضا البحراوي: اعمل لنفسك تاريخ
اختتم إسلام خليل حديثه قائلًا: إذا كان عدوية عبد الرحيم زعلان أن أغنيته اللي هو تعبان فيها ومسجلها وطالع عينه وعايز الغنوة تتعرف علشان يشتغل أنت غنتها، إزاي تستحوذ على أغنية مش ملكك كأنك بتقطع عيش الناس، دا مينفعش المفروض أنت اللي تساعد طالما بقيت نجم، أنا مستني منك الرد إنك تقول مش هعمل كدة تاني، لأن الأغاني اللي أنت حتى اتعرفت بيها مش بتاعتك، اعمل لنفسك تاريخ وسجل أغاني يبقى عندك رصيد لكن هتعيش على أغاني الناس.
