اعترافات المتهم بقتل صديقه بالبراجيل: اتخانقت معاه وشتمنا بعض قبل ما أخلص عليه | خاص
حصل القاهرة 24 على نص تحقيقات المتهم بقتل صديقه داخل أرض زراعية، بسبب خلافات بينهما عندما ارتبط المجني عليه بخطيبة المتهم السابقة، في القضية التي حملت رقم 8584 لسنة 2024 جنايات أوسيم المقيدة برقم 2432 لسنة 2024 كلي شمال الجيزة.
تحقيقات المتهم بارتكاب جريمة البراجيل
واستمعت جهات التحقيقات المختصة إلى أقوال المتهم حسام. ص. خ، والتي جاءت كالتالي:
س: ما هو موطن نشأتك تحديدا؟
ج: أنا مواليد 2001 ومولود وساكن في قرية البراجيل مركز أوسيم مع أبويا وأمي ودي البلد اللي أتولدت فيها.
س: ومع من تقطن تحديدا؟
ج: أنا قاعد في بيت العائلة مع أبويا وأمي وأخواتي عددهم ثلاثة منهم أخ واحد من الأب والاثنين الثانين من الأب والأم.
س وما هي ظروف نشأتك الاجتماعية تحديدا؟
ج أنا اتعلمت في مدرسة حكومية اسمها أوسيم المشتركة وبعد كده كملت تعليم وخدت دبلوم تجارة، وبعد کده وقفت تعليم وبعد كده اشتغلت صناعي في كذا مكان.
س وما هي طبيعة عملك تحديدا؟
ج أنا شغال عامل في مغسلة سيارات مع سيد بريك قبل ما يموت.
س وما هي مؤهلاتك العلمية تحديدا؟
ج أنا معايا دبلوم تجارة.
اعترافات المتهم بقتل صديقه بالبراجيل
س: وما هو قيمة الأجر الذي تستحصل عليه شهريا نظير عملك بذلك الماكن أنف الوصف والبيان؟
ج: في اليوم كنت باخد من سيد 150 جنيه، والأسبوع بتاعي بيكون 6 أيام في الشغل وساعات كنت بحتاج منه أي فلوس في نص الأسبوع كنت باخدها منه عالطول وبعد كده يخصمها من المرتب.
س وما هي متطلباتك المعشية؟
ج: أنا بصرف علي سجايري وأكلي وشرب ويشتري كروت شحن لغایت ما خطبت رحاب.
س: وكيف تغطي متطلباتك المعيشية تحديدا؟
ج: لما كنت بقبض من الشغل في المغسلة اللي شغال فيها وساعات كنت باخد فلوس من سيد ويخصمها من المرتب.
س: وهل كان المجني عليه سيد بريك حسين بريك يستجيب لمطبك تحديدا؟
ج: أيوه كان بيديني فلوس لما أطلب وكان كده كده بيخصمها من فلوس شغلي معاه.
س: ما هي حالتك الاجتماعية تحديدا؟
ج: أنا كنت خاطب واحدة عندنا من البلد.
س: ومن هي تحديدا؟
ج: اسمها رحاب. ر. ع.
س: ما صلتك بسالفة الذكر تحديدا؟
ج: كنت خاطبها والبلد كلها عارفه بس هيا اللي فسخت الخطوبة.
س: وهل تعاني من ثمة أمراض نفسية أو عصبية؟
ج: لا مش يعاني من حاجة وشغال زي الفل ومكنش في حاجة عندي غير المشكلة بتاعتي أنا واللي كنت خاطبها.
س وهل تتعاطى ثمة مواد مخدرة أو مسكرة؟
ج لا مبشريش أي حاجة الحمد لله.
س: ما صلتك بالمجني عليه سيد بريك تحديدا؟
ج ده صاحب المغسلة اللي أنا كنت شغال فيها معاه
س ومنذ متي تحديدا العمل برفقة المجني عليه سالف الذكر؟
ج حوالي من 40 يوم، كذا أسبوع اشتغلت معاه لغايت ما مات للأسف ومكنش في نيتي خالص أنه يموت.
س: متى وأين حدث ذلك تحديدا؟
ج أنا خاطب رحاب بقالي 3 شهور من بداية شهر 12 السنة اللي فاتت، ورحاب نزلت البوست بتاع فسخ الخطوبة الأسبوع اللي فات، وبعدين اتخانقت معاه وشمتنا بعض قبل ما أقتله، وهو ده اليوم اللي مات فيه كان يوم السبت 2/ 3/ 2024 بليل بعد الساعة 10 العاشرة مساء بطريق محور الضبعة الرئيسي منطقة الزيدية على طريق كله تراب (ترابي) جمب الأراضي الزراعية كوبري الصبعة مركز أوسيم الجيزة، ولما روحت مركز شرطة أوسيم وقولت كل حاجة لما ضباط المباحث في المركز قعدوا يتكلموا معايا كان يوم الأحد 3/ 3/ 2024 بعد أذان الظهر عـ لطول.
س من كان برفقتك تحديدا؟
ج أنا وسيد بريك الله يرحمه ومحمد بشير عبد السلام كنا بنوصله لبيته وقتها ووصلناه فعلا.
س: ما صلتك بسالف الذكر تحديدا؟
ج محمد بشير ده عيل صغير عنده 12 سنة كان بيجي ساعات في المغسلة يشتغل وياخد مصاريفه بتاع المدرسة لأنه كان في المدرسة معظم الوقت وده اللي وصلناه أنا وسيد بريك وقتها.
