رضا إدريس: حب الناس ساعدني على الشفاء.. وعايز أداري على شمعتي كفاية اللي ولع
طمأن الفنان رضا إدريس، جمهوره على حالته الصحية بعد الوعكة الصحية التي مر بها خلال الفترة الماضية، بجانب كشفه تعاقده على المشاركة في أعمال فنية خلال الفترة المقبلة.
وقال رضا إدريس، في لقائه مع القاهرة 24: أنا الحمد لله اتحسنت عن الأول كتير، واللي جاي أحسن، حب الناس ليا ساعدني على الشفاء بصراحة، وأنا تعاقدت على مشاريع فنية الفترة اللي جاية ولكن لسه موصلناش لاسمها النهائي، وعايز أداري على شمعتي شوية كفاية اللي ولع.
رضا إدريس يشكوا من قلة أعماله الفنية
ومن ناحية أخرى، سبق وأن أعرب الفنان رضا إدريس، عن استيائه الشديد بسبب عدم مشاركته في أعمال فنية خلال الفترة الأخيرة، مشيرًا إلى أن نجوم الصف الثاني يعانون بشكل كبير، بسبب اقتصار الأدوار على شريحة معينة من النجوم، حيث قال في تصريحاته لـ القاهرة 24: أنا وقعت في الشارع على شاطئ أبو قير، والناس اللي شالوني، وربنا سترني من كتر التفكير في قلة الشغل وضغوط الحياة، إحنا معملناش فلوس من الفن لكن ربنا سترنا بحب الناس.
كما رد رضا إدريس في تصريحاته مع القاهرة 24، على شائعات وفاته، حيث قال: أنا بخير الحمد لله وبقيت أحسن، وكل اللي بيتقال شائعات، وحاليًا خرجت من المستشفى، وبخضع لتعليمات الطبيب.
