والدة الطالبة جنى ضحية الخطف بالمقطم: أبوها وأخواتها سبب وفاتها.. وطلبوا مني فلوس عشان يرجعوها| خاص
كشفت التحقيقات عن تفاصيل مصرع الطالبة جنى، ضحية الخطف على يد والدها وأشقائها، بمنطقة المقطم واتهامهم بخطفها والتسبب في وفاتها.
قضية الطالبة جنى ضحية الخطف بالمقطم
وحصل القاهرة 24، على نص تحقيقات القضية رقم 1008 إداري المرج لسنة 2024 وجاءت أقوال والدة الطالبة جنى كالآتي:-
اللي حصل إن أول يوم 16 / 6 / 2024 العيد حوالي الساعة 7:30صباحًا أنا بنتي جني.م.ف، كانت تحت البيت بتجيب حاجات وبعد كده لقيت ابن أختي الصغير محمد.م، بيقولي فيه عربية خطفت جنى من تحت البيت، روحنا نزلنا وقعدنا نفرغ في الكاميرات، ولقيت عربية صغيرة نزل منها اثنين هما كلا من يوسف.م، وأحمد. م. ف، خطفوها وأبوهم محمد. ف، هو اللي كان سايق العربية وبعد كده بنتي كلتمني من رقم غريب، وكانت بتعيط وقالتلي إن أبوها خطفها، وهي عندهم في البيت وبيضربها.
وواصلت والدة الطالبة جنى: بعد كده رجع محمد.ف، كلمني تاني وقالي لو عايز بنتك تاني خلي أخواتك محمود ومحمد كل واحد منهم يكتب إيصالات أمانة قيمة كل واحد منهم 100 ألف جنيه، فأنا قولته هتقبل تاخد فلوس من طليقتك قالي اه لو عايزة بنتك هاتي الإيصالات دي زي ما قولتلك.
وأكملت والدة الطالبة جنى: وبعد كده هي كلمتني تاني يوم وكانت منهارة من العياط وقالتلي أنا عايزة أمشي بابا كل يوم بيضريني ومش عارفة أعمل ايه وفضلت أهدي فيها لحد من نشوف هنعمل ايه، وأنا كنت عملت محضر فيةالمقطم،م وبعد كده بنتي كلمتني امبارح وقالتلي أنا بسمع كلامك وبصلي عشان ربنا يعدي الأزمة دي.
وأضافت: وبعد كده محمد. ف، كلمني حوالي الساعة 12:00 بليل بيقولي اللي هيجي جنب بنتي مش هيعرف ليها طريق وبعد كده، عرفت إن بنتي ماتت وأبوها وأخواتها هما اللي قتلوها.
وأشارت والدة الطالبة جنى: الكلام ده حصل أول يوم العيد 2024/6/16 حوالي الساعة 7:30 صباحًا بمدينة عباد الرحمن بجوار نادي الصيد بالمقطم، وسبب وجودنا في المكان ده هو إننا كنا في المقطم عند أختي أول يوم العيد، ولما ماتت كانت في بيت أبوها.
