زوجة والد الطالبة جنى: لما عرفت أن أبوها مش في البيت رمت نفسها من الشباك| تحقيقات
كشفت التحقيقات عن تفاصيل مصرع الطالبة جنى ضحية الخطف على يد والدها وأشقائها بمنطقة المرج، واتهامهم بخطفها والتسبب في وفاتها.
تفاصيل مصرع الطالبة جنى ضحية الخطف على يد والدها وأشقائها بمنطقة المرج
وحصل القاهرة 24 على نص تحقيقات القضية رقم 1008 إداري المرج لسنة 2024 وجاءت أقوال شقيق الطالبة جنى كالآتي: أنا اسمي عبير عبد القوي، وجنى تبقى بنت جوزي، واللي حصل إن أول يوم العيد بعد صلاة العيد بحاجة بسيطة كده لقيت جوزي وعياله يوسف وأحمد داخلين البيت ومعاهم أختهم جني وكانت كويسة، ومحمد جوزي قالي هي هتقعد معانا كام يوم وبعد كده هنشوف هعمل إيه وخلاص البنت كانت كويسة ومحصلش حاجة، وكانت معايا ومفيش أي مشكلة، وبعد كده يوم الأربعاء 19 - 6 - 2024 حوالي الساعة 9:00 الصبح، صحيت من النوم وسألت بابا فين قولتها خرج مش موجود وبعد کده دخلت الحمام وطلبت مني لبس ليها وادتلها ودخلت الغرفة عشان تلبسه، وبعد كده قفلت باب الغرقة عليها، وبعد شوية روحت فتحت الباب ملقتهاش في الغرفة، ندهت أحمد أخوها قعدنا نبص ملقينهاش وبصينا من الشباك لأنها رمت نفسها ونزلنا على تحت وكلمنا أبوها والحكومة جت وبس كدة.
س: متى وأين حدث ذلك تحديدا؟
ج: يوم الأربعاء 19 - 6 - 2024 حوالي الساعة 9:00 الصبح في البيت في المرج.
س: من كان برفقتك آنذاك؟
ج: كان معايا ابن جوزي أحمد وأبنائي الاثنين الصغيرين.
س: هل يوجد علاقة أو خلافات بينك وبين أي من أطراف الواقعة؟
ج: لا.
س: هل سبق لهم وقام أي من أشقائها أو والدها بالتعدي على جنى؟
ج: لا
س: ما هي كيفية قيام المتهمين بخطف المجني عليها تحديدًا؟
ج: معرفش هما جابوها ازاي
س: إلى أين تم اقتيادها تحديدًا؟
ج: هما أخدوها على البيت في المرج.
س: هل قام المتهمين باحتجاز المتوفية؟
ج: لا هي كانت قاعدة بمزاجها.
س: هل يوجد شاهد على الواقعة؟
ج: معرفش.
س: وما هي المدة الزمنية التي مكثت بها جنى بالمكان سالف الذكر؟
ج: حوالي 4 أيام.
س: هل جنى تتعاطى عقاقير دوائية؟
ج: لا.
س: وهل توجد شبهة جنائية في وفاة جنى؟
ج: لا هي رمت نفسها.
س: وما تعليلك إذا لوفاة جنى؟
ج: هي اللي رمت نفسها.
