محمد صبحي في التحقيقات عن تعاطي فتوح للمخدرات: مشربش حاجة قدامي| انفراد
أنكر اللاعب محمد صبحي خلال مثوله أمام جهات التحقيق في قضية أحمد فتوح لاعب نادي الزمالك، والمتهم بالتسبب في وفاة المجني عليه أحمد السيد بالخطأ، والقيادة تحت تأثير المخدر والتي حملت رقم 1939 لسنة 2024 جنايات قسم العلمين المقيدة برقم 1377 لسنة 2024 جنايات كلي مطروح، معرفة تعاطي أحمد فتوح لـ المواد المخدرة أو المسكرات.
أقوال اللاعب محمد صبحي في قضية أحمد فتوح
وقال اللاعب محمد صبحي محمد في قضية أحمد فتوح لاعب نادي الزمالك، والمتهم بالتسبب في وفاة المجني عليه أحمد السيد بالخطأ، والقيادة تحت تأثير المخدر، أمام جهات التحقيق: اللي حصل أنا قاعد جنب فتوح ماسك الموبايل بتاعي بمنطقة العلمين وكان جنبنا الناحية الثانية مبنى مكتوب عليه أمن مطروح أو أمن العلمين، ومرة واحدة لقيت أحمد حسن بيزعق حاسب حاسب ولقيت خبطة جامدة جدا في جنب فتوح حدفت شمال جامد أوي وفتوح كان ماسك فرامل على الآخر، وأنا أول ما العربية بدأت تهدا فتحت باب العربية ونطيت.
تحقيقات قضية اللاعب أحمد أبو الفتوح المتهم بالتسبب في وفاة شخص والقيادة تحت تأثير المخدر
وأضاف اللاعب محمد صبحي في قضية أحمد فتوح أمام جهات التحقيق: الخبطة لما حصلت زجاج العربية انكسر وخفت جدا، فأول ما فتوح ضرب فرامل والعربية بتحدف شمال فتحت باب العربية ونطيت منها وكان في ضباط الناحية الثانية عدوا علينا.
وعن سؤال جهات التحقيق لـ اللاعب محمد صبحي في قضية أحمد فتوح لاعب نادي الزمالك، عن هل كان المدعو أحمد محمد أبو الفتح متناول مواد مخدرة أو مسكرات، فأجاب: لا أنا معرفش بس هوا قدامي مشربش حاجة خالص، وبعد الحادثة أنا فضلت واقف مكاني واتمسمرت فيه لغاية لما الضباط جت وروحت أشوف فتوح.
وأكمل: أحمد حسن كان قاعد ورا وفضل قاعد لحد لما العربية وقفت ونزل منها هو وفتوح، وفضلت واقف بعيد لأني مبقدرش أشوف منظر الدم.
