أبرز تصريحات أحمد جوهر صديق على واقعة مستشفى عين شمس: محمد فؤاد اتظلم
فن
محمد فؤاد وطبيب جامعة عين شمس
في حادثة أثارت جدلًا واسعًا على منصات التواصل الاجتماعي وفي وسائل الإعلام وجد الفنان محمد فؤاد نفسه في موقف شديد الصعوبة أثناء تواجده في مستشفى عين شمس التخصصي للاطمئنان على حالة أخيه الصحية، وكشف أحمد جوهر صديق الفنان محمد فؤاد، تفاصيل جديدة في الواقعة، ونستعرض لكم خلال السطور، ملخص تصريحات أحمد جوهر عبر لايف القاهرة 24
أحمد جوهر لـ القاهرة 24: محمد فؤاد مظلوم
- محمد كان في حالة صعبة جدًا هو وأخوه عبد العزيز كانوا بيمروا بأزمة صحية مفاجئة
- ومحمد فوجئ بتدهور حالة أخوه في نص الليل، ده واحد أخوه تعبان الساعة 4 الفجر
- لما وصل المستشفى كان طبيعي يكون قلقان ومتوتر جدًا
- لما دخلنا المستشفى، محمد كان عايز يطمئن على أخوه بسرعة، لكن للأسف، شعر إن الطاقم الطبي مش مهتم كفاية، وده اللي خلاه ينفعل
- محمد قال للطبيب واضح إن حضرتك لسه صاحي من النوم أو مش نايم كويس
- الكلام ده جه من شدة التوتر اللي كان فيه. رد فعل الطبيب كان عنيف، طلب من الأمن يخرجنا من المستشفى.
- كان موقف صعب علينا كلنا، ومحمد في الوقت ده كان متألم لأخوه وكان نفسه يلاقي اهتمام أكبر
- محمد فؤاد لم يكن في وضع يسمح له بالتفكير في أي شيء غير صحة أخوه
- إحنا مكانش في بالنا نعمل محضر أو نتصرف بشكل قانوني في الوقت ده فكرنا بس في إننا نطمن على عبد العزيز. الحمد لله، أخوه عمل العملية وهو دلوقتي أفضل
- الناس لازم تتحسس الموضوع شوية أي بني آدم في الدنيا بيتعرض لضغوط زي دي، ممكن يكون رد فعله مشابه
- محمد اتظلم في الموضوع ده، وأي شخص لو كان في مكانه كان ممكن يتصرف بنفس الطريقة
- إن شاء الله تدخل النقيب مصطفى كامل يكون خير
- كلنا واقفين جنب محمد في المحنة دي، ونتمنى الشفاء العاجل لعبد العزيز وراحة البال لمحمد بعد التجربة الصعبة اللي مر بيها
