نيكول سابا تحيي حفلًا جديدًا في كفر الشيخ
تستعد الفنانة نيكول سابا، لإحياء حفل جديد في كفر الشيخ، وذلك يوم الجمعة المقبل الموافق 30 شهر أغسطس الجاري، ومن المتوقع حضور عدد كبير من الجمهور.
ونشرت نيكول سابا، بوستر الحفل، عبر حسابها الشخصي بموقع تبادل الصور والفيديوهات إنستجرام، وكتب قائلًا: يوم الجمعة 30 أغسطس منتظراكم.
وعلى جانب آخر، ردت نيكول سابا مؤخرًا عن الأزمة في لبنان وكيف أثرت عليها وعلى الشعب اللبناني، مشيرة إلى أن كل ما كانت تمتلكه من أموال ضاع هباء.
وقالت نيكول سابا في لقائها مع القاهرة 24: فلوسنا راحت في لبنان وده محسوم من وقت الأزمة وكتر خير الدنيا أنه الواحد قدر يكمل كارير وشغل وعنده طموح أنه يفكر، فبستغرب من الانتقادات لما تيجي تعملي أغاني فريش ولذيذة لأن ده محتاج طاقة ومجهود أكبر إلا بقى لو هروح للأغاني النكدية والناس بتحكم من بره ومحدش يعرف الناس ظروفها إيه وأنا بعمل حاجة أبسطكم بيها ومحدش راضي بحاجة.
وبشأن ثروتها، أوضحت نيكول سابا: بحب شغلي ومن الناس اللي بيصرفوا على شغلهم واللي بطلعه بصرفه، والفن محتاج إنك تصرفي عليه، وإحنا الستات محتاجين نصرف على نفسنا ولازم تصرفي على الفن علشان يدخلك فلوس.
وأكملت: أنا بصرف كتير وبالنسبة لي الشخص هو اللي بيوجد الفلوس طالما عندك اندفاع وطاقة وبتشتغلي، والفلوس اتخلقت علشان تتصرف، وسبق وحوشنا وراحوا وقت الأزمة في لبنان على حاجات ملهاش لازمة.
