نجل شقيق إلهام شاهين: لما تتجوز اللي كانت صاحبتك الموضوع بيختلف.. وأتمنى الناس يسيبونا في حالنا
عبر مدير التصوير محمود شاهين نجل شقيق الفنانة إلهام شاهين، عن سعادته بحفل زفافه اليوم، مشيرًا إلى أن قصة حبه استمرت 4 سنوات.
وقال نجل شقيق إلهام شاهين في لقائه مع القاهرة 24: إحساسي ما يتوصفش والعزوبية خلصت وبتجوز البنت اللي بحبها وقصة حبنا بقالها أربع سنين، ولما تتجوز صاحبتك غير لما تتجوز أي جوازة وهي أكتر شخص عاش معاك العزوبية وبتهرب معاها من المشاكل وكانت بتهون عليا صعوبات الحياة.
وأضاف نجل شقيق إلهام شاهين: فعلًا سعيد وإحساسي ما يتوصفش خاصة أننا أجلنا كتير وفيه صعوبات وتأجيلات وناس بيسافروا ورجعوا تاني وتفاصيل كتير.. وبعد كل ده عرفنا نكمل وأتمنى الناس تدعي لينا دعوة حلوة ويسبونا في حالنا شوية وكفاية حسد.. أنا أسعد واحد في الدنيا.
وعن شهر العسل قال: الهاني مول شيء خاص بينا وبتاعتنا إحنا ومش لازم نحطه على السوشيال ميديا ولا المفروض الناس تبقى قاعدة معانا في حياتنا ويباروكلنا ويقولوا ألف مبروك والحاجات الخصوصية مش لازم تعيش معانا فيها.
من جانبها وجهت العروس رسالة لزوجها قائلة: ربنا يخليك ليا علشان أنت أحلى وأجدع وأطيب راجل شفته في حياتي وبحبك أوي.
آخر أعمال محمود شاهين
كانت آخر أعمال محمود شاهين فيلم شقو الذي عرض في عيد الفطر الماضي، بطولة عمرو يوسف، أمينة خليل، محمد ممدوح، دينا الشربينى، بجانب كل من محمد جمعة، وليد فواز، عباس أبو الحسن، جميل برسوم، حنان يوسف، بالإضافة إلى ضيوف الشرف الفنانة يسرا والفنان أحمد فهمى ومن تأليف وسام صبرى، ومن إخراج كريم السبكي.
