عنبة يكشف حقيقة ارتباطه: مفيش حد في حياتي غير ربنا وجمهوري
كشف مطرب المهرجانات مصطفى عنبة، حقيقة شائعات ارتباطه، مشيرًا إلى أنه لا يوجد أحد في حياته ولا يفكر سوى في عمله وجمهوره فقط.
وكتب عنبة، منشورًا عبر حسابه الشخصي بموقع تبادل الصور والفيديوهات انستجرام: أنا مش مرتبط بحد ولا في حد في حياتي ربي وجمهوري وشغلي بس.
وعلى جانب آخر، حرص عنبة على دعم مطرب المهرجانات عصام صاصا، بعد صدور حكم بحسبه 6 أشهر بتهمة تعاطي المخدرات وانقضاء الدعوى المدنية في قضية الدهس بالتصالح.
وعبر عنبة عن حزنه الشديد بعد الحكم بحبس عصام صاصا 6 أشهر، وكتب عبر استوري على حسابه بموقع انستجرام: حزين حزن الدنيا عليك يا أخويا.. ربنا يهون عليك.
مطرب مهرجانات عنبة وعصام صاصا
وفي سياق آخر علق عنبة على أزمة مطرب المهرجانات عصام صاصا الأخيرة، إثر اتهامه بدهس شاب ووفاته أعلى الطريق الدائري بالجيزة.
وقال عنبة خلال فيديو نشره عبر حسابه الشخصي بموقع تبادل الصور والفيديوهات انستجرام: أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم، أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها.
وتابع عنبة: أنا عارف إن مفيش فلوس في الدنيا هتعوض ابنكم، ورسالتي لأهل الضحية أنا مش بلومكم في حاجة ربنا يصبركم موقف صعب أنتم مدمرين نفسيًا هنا وهو مدمرنفسيًا بس اللي عايزه أقوله هو مش بيخبط أي حد ومش بيدوس على الناس بفلوسه.
