مها أحمد بعد الهجوم عليها: جوزي معندوش فيسبوك ولا تيك توك.. وعايش باشا وشاري دماغه
ردت الفنانة مها أحمد على الهجوم الشديد عليها مؤخرًا؛ بسبب تصريحاتها الأخيرة في لايف على تيك توك، والذي انفعلت فيه على متابعيها وحديثها عن التربح من تيك توك.
وقالت مها أحمد في بث مباشر لها عبر حسابها الشخصي عبر منصة تيك توك، إن هناك من يتربص بها، وكل من سجل اللايف الأخير التي كانت تنفعل فيه على جمهورها، سجلوا شتائمها فقط دون أن يظهروا التعليقات المسيئة لها من البعض موضحة: اللي صوروا اللايف جابوا ردودي على الناس اللي بتشتمني أقذر الشتايم ورد فعلي بس، وطبيعي الناس تقول أني طالعة اشتم، وكل اللي أقدر أقوله حسبي الله ونعم الوكيل، واللي يدقق هيلاقي الفيديوهات مقصوصة، واللي بيحب مها مش هيركز.
وأضافت مها أحمد: أنا مسامحة كل اللي بيشتمني، ومسامحة كل اللي بيقل أدبه، وكل اللي لسانه زفر وكل اللي بيتطاول وبيتدخل في اللي مفيهوش فيه، وفاضل مجدي جوزي يسامح، لكن هو مش في دماغه ومجدي في دنيا تانية خالص ومعندوش نت ولا فيس بوك ولا تيك توك ولا شايف جمهور ولا إعلاميين، مجدي باشا وشاري دماغه وله وجهة نظر تحترم.
وفي وقت سابق، قالت مها أحمد إنها لن تترك التيك توك أو أي موقع تحصل منه على أموال، قائلة: شغلي على التيك توك وعلى أي برنامج مش هسيبه طول ما فيه فلوس، ومش هينفع أتعالج على نفقة الدولة مع إني فنانة، لكن أنا عايزه أعالج نفسي بنفسي، وأعمل علاقات مع الناس الجامدة والداعمين الجامدين بره، يمكن أسافر اشتغل بره ويمكن شيخة تشوفني وتشغلني عندها ليه لأ، أنا عندي طموح اشتغل عند الناس بره مش هنا.
