هيدي كرم: غيرت تعاملي مع ابني بسبب نظرات الناس.. وممكن اتجوز شخص من ديانة مختلفة
علقت الفنانة هيدي كرم، على جدل تصريحها السابق حول موافقتها بالزواج من شخص من ديانة أخرى غير ديانتها، بجانب حديثها عن نجلها نديم.
وقالت هيدي كرم في تصريحات تلفزيونية: ممكن أكون بالنسبة للناس جريئة، وده ميعيبش حد طالما مبعملش حاجة تأذي حد، وأنا مرتاحة في حياتي ومش مستنية أني أنول رضا الكل، وفكرة جوازي من حد من ديانة مختلفة دي قناعاتي الشخصية وأنا مطلبتش من حد يعمل زيي، مقولتش أني رايحة أتجوز دلوقتي حد مش من ديانتي، أنتوا مالكم هي حياتي ولا حياتكم؟، دي قناعاتي ومتزعلش حد طول ما أنا بعمل حاجة قانونية ماحدش له دعوة.
تصريحات هيدي كرم
أما عن نجلها نديم، فتحدثت هيدي كرم، قائلة: أنا مكنتش أم صارمة ولكني بدي كل حاجة حقها، بالعكس عملنا حاجات كتير وخدت قرارات في حياة ابني مفيش أي أم تاخدها، زي أنه يوقف مدرسة سنة علشان يركز في لعب الكورة، دي قرارات خارج المعتاد لأني كنت شايفة أن دي حاجة عايز يعملها والمذاكرة والدراسة مش رايحة في حتة، ممكن يرجع يكمل تاني، وهو وقف آخر سنة في المدرسة علشان يقدر يقيم نفسه كلاعب كورة.
وواصلت هيدي كرم: مؤخرًا لقيت ناس كتير مش عارفة أن نديم ابني، ولما ببوسه وأحضنه في الأماكن العامة الناس بتبصلي بنظرات اللي هي احترموا نفسكم شوية، ومش همشي أقول ده ابني وبطلت أبوسه برا، والناس معذورة.
