أحمد العوضي: انتقدوني علشان تصريحاتي عن عامل البوفيه.. ومش مضايق من الكوميكس اللي بتتعمل عليا
تحدث الفنان أحمد العوضي عن بعض الهجوم الذي تعرض له مؤخرًا؛ بسبب تصريحه الأخير بأنه يحصل على انطباع نجاح عمله من عمال البوفيه، مشيرًا إلى أنه تعرض لسخرية من بعض الأشخاص بسبب هذه العبارة، إذ اعتبروا حديثه سطحيًا.
وأكد خلال لقائه مع القاهرة 24: عامل البوفيه هو إنسان له رأي وأنه يقدرهم كثيرًا، ويعتمد على انطباعاتهم كجزء من تقييمه لأدائه.
وقال أحمد العوضي: فيه ناس قفشت عليا في كلمة إني قولت باخد انطباع نجاحاتي على الدور من عامل البوفيه، وعلقوا إزاي قولت عامل البوفيه.
وأردف: وهو عامل البوفيه ده مش بني آدم وبعض الناس شافوا أن الموضوع سطحي، وأكيد أنا مش شايفك أنت عشان تحكم عليا، أنا مقدره هو وعشان أعرف أني بمثل حلو، مش هجيب ناس معينة أخد منها الرأي يعني، وبقولها تاني أني باخد انطباع نجاحي على الدور من عامل البوفيه، وأنا مش بضايق من الكوميكس اللي بتتعمل عليا.
وفي سياق آخر، علق الفنان أحمد العوضي، على انتشار شائعة وفاته خلال الأيام السابقة، إذ أكد أنه بحالة جيدة، ولا يعلم مصدر تلك الشائعات وقال أحمد العوضي خلال ندوته بالقاهرة 24: صحيت لقيت الناس مطلعاني تعبان، الفيديو المنتشر ليا كان في يناير، وأنا الحمد لله كويس معرفش الكلام اللي طلع ده ليه، وكذا حد سأل عليا زي الفنانة فريدة سيف النصر، وبدرية طلبة وعبد الباسط حمودة.
وعلى جانب أعمال أحمد العوضي، يستعد للمشاركة في الموسم الرمضاني المقبل 2025، من خلال مسلسل فهد البطل، إذ يقدم دور البطل الشعبي، الذي يمر بالعديد من الصعوبات، ويشارك في بطولة العمل الفنانة ميرنا نور الدين، وآخرين.
