طلاق أم خالد من زوجها محمد: بدوّر على بيت أعيش فيه أنا وعيالي
نشرت البلوجر الشهيرة أم خالد فيديو عبر حسابها الشخصي على منصة تداول الصور والفيديوهات إنستجرام، توضح حقيقة انفصالها عن زوجها، وذلك بعد تداول العديد من المنشورات عبر حسابات مُستخدمي منصات التواصل تفيد بالانفصال.
أم خالد تعلن انفصالها: نصيبنا خلاص انتهى
وقالت أم خالد عبر الفيديو: الفترة الأخيرة كان فيه مشاكل بيني وبين زوجي محمد، وأنا مش بتاعة ترندات، ومش محتاجة أعمل تريند عشان أجيب مُشاهدات، وعمري ما كنت أتخيل إني أطلع أقولكم كدة.
وأوضحت أم خالد: احنا نصيبنا خلاص انتهى ووقف لحد هنا.. وليه مني كل التقدير والاحترام، لأني مشفتش منه غير كل حب وخير، ودلوقتي بدور على بيت تاني عشان أعيش فيه أنا وعيالي خالد وريان.
واختتمت: مش عايزة منكم غير دعوات بـ إن ربنا يقويني على تربية عيالي، ويا رب أشوفهم أحسن الناس، ومتقعدوش كل شوية تكتبولي تعليقات سلبية.. أنا مش عايزة أكون مُكتئبة، وهو ده نصيبي.. اللي من نصيبك هيصيبك، أنا مؤمنة وبصلي وعارفة ربنا كويس.
انفصال أم خالد عن زوجها محمد
والجدير بالذكر أن أم خالد أوضحت في ستوري على حسابها الشخصي عبر إنستجرام: الناس اللي بتقولي الشقة من حقك طب لو الشقة مش بتاعته يبقي الحل ايه؟
وتابعت أم خالد: البيوت أسرار يا جماعة متاخدوش بالظاهر، وأنا ربنا عالم بيا وبحالي ادعولي ربنا يقويني على تربية أولادي ويوفقني في اللي جاي، وأنا راضية بأي حاجة ربنا كتبهالي، الحمد لله كله خير من عند ربنا.
وبعد نشرها هذه الاستوريهات سارع مستخدمو مواقع التواصل في تداول خبر طلاقها من زوجها محمد.
