أحمد مجاهد: اتحاد الكرة الحالي أنهى التعاقد مع كيروش علشان أنا اللي كنت جايبه
كشف أحمد مجاهد، رئيس اتحاد الكرة السابق، عن سبب رحيل كارلوس كيروش، عن تدريب منتخب مصر، بالإضافة إلى بعض الأمور التي تخص الاتحاد المصري لكرة القدم.
تصريحات أحمد مجاهد
وقال أحمد مجاهد في تصريحات تليفزيوينة: أنا بحب وبحترم حسام البدري ومقدّر زعله لما مشي من تدريب المنتخب لكن أنا كنت شايف إن الكرة المصرية محتاجة نقلة وكنت شايف إن كيروش كان بيحقق 100% من اللي أنا وضعته والبدري لما مشي مجاش حد أقل منه.
وشدّد أحمد مجاهد في تصريحاته: كيروش درّب ريال مدريد ومانشستر يونايتد ومشوفتش حد في عقليته، والاتحاد الحالي مشاه عشان أنا اللي كنت جايبه لأنهم كانوا عايزين يغيّروا أي حاجة أنا حاططها، وبعتلي رسالة وقت الهجوم عليه قالي أنا مشيت من تدريب منتخب مصر عشان انت مشيت من الاتحاد.
وأضاف: أنا أول من أرسلت خطابات للأندية من أجل تكوين رابطة تدير المسابقات ولو كنت موجود في اتحاد الكرة كنت سأقوم بتحديد اختصاصات الرابطة، ورابطة الأندية ليس من حقها أن تغير من نظام الدوري لكن تدير المسابقة فقط.
وأتم أحمد مجاهد تصريحاته: لا يمكن أن تكون العلاقة بين اتحاد الكرة ورابطة الأندية المصرية تنافسية.
