المتهم الثاني في فبركة سحر مؤمن زكريا: التربي طلع العمل وقرأ عليه قرآن علشان يفكه| انفراد
ضجت مواقع التواصل الاجتماعي خلال الأيام الماضية، بعد تداول فيديو تظهر فيه صورة اللاعب مؤمن زكريا، بها طلاسم وسحر داخل المقابر، مما أثار حالة من الصدمة والقلق بين مستخدمي مواقع التواصل الاجتماعي، خاصة بسبب المرض الذي يعاني منه مؤمن زكريا، واتضح أن هدف مروجي الفيديو تحقيق الأرباح واصطناع تريند مزيف.
واقعة فبركة سحر للاعب مؤمن زكريا
وحصل القاهرة 24 على نص التحقيقات في واقعة فبركة السحر للاعب مؤمن زكريا، واستمعت جهات التحقيق لأقوال أحد المتهمين يدعى محمد.ع وجاءت كالآتي: يوم الأربعاء قبل اللي فات رحت أجيب مراتی من مقابر عيلتها في الإمام الشافعي بالخليفة، لقیت رمضان ابن خالها بيحفر عشان يطلع صبارة عند الترب، وهو بيفحت بالخشبة لقى كيس أسود فطلعه.
وأضاف: قالي صور فيديو.. ده عمل.. وفتحت كاميرا موبايلي وصورت، ولقيت العمل عبارة عن لفتين ورق مربوطين بسلك وقماشة عليها رسمة العروسة ودبابيس وحاجات تانية ومكتوب عليها حاجات كتير، وصورة الكابتن مؤمن زكريا.. ورمضان قالي تعالى نروح نجیب جرادل مياه عشان نبطل العمل.. وجاب جردل مياه وملح وجردل تاني فيه مياه بس.. قعد يقرأ عليه شوية قرآن وقالي صور فيديو وصورت فيديو وقفلت.
وتابع: كلمنا ابتسام مرات محمد زيكا تحت، وساعتها زيكا قال إنه يعرف مصطفى ابن خالة مرات مؤمن زكريا وكلموه، وبعدين قالي إنه هيكلم كابتن مؤمن، وبعدين هيكلمه، بعدها مصطفى جه على القرافة وريناله الحاجة وقالي إن تليفوناتهم مقفولة وأول ما تعرف توصلهم بلغني، وبعدها بساعتين كلم زيكا، وقالهم إنهم في إسكندرية وجايين بعد يومين وبعد يومين چه کابتن مؤمن ومعاه 4 أشخاص و2 شیوخ، والشيوخ نزلوا أبطلوا العمل، وقرأوا قرآن، وبعد كده كابتن مؤمن مشی ورمضان عرّف اللي حصل لواحد صحبة.
