أحمد مالك: قدمت أعمالًا لم أرض عنها.. والفنان زي لاعيب الكرة
تحدث الفنان أحمد مالك، عن غيابه لفترة على الساحة الفنية بسبب احترافه التمثيل ووصوله للعالمية، بجانب الكشف عن كيفية استفادته من التعليقات السلبية وكيفية تطوير كممثل في أعماله.
قال أحمد مالك في تصريحات تلفزيونية: أنا ممثل الدور اللي هيتعرض عليا هعمله بأكثر شكل ممكن إلي أن الناس تصدقوا، الفنان زيه زي لاعيب الكرة، عندك موهبة هتشتغل عليها هتبقى أحسن، مش هتشتغل عليها عمرك ما هتتطور، زي مباراة نزلت لاعبتها، عملت أداء وحش هترجع المباراة الثانية تثبت نفسك فيها.
أحمد مالك: متحمس أني أقدم أكتر شخصيات أتربيت وسطها
وأضاف أحمد مالك أنه لم يهتم بالتعليقات الجمهور عنه في إطار الشخصي على قدر تركيزه في أعماله، معلقُا: في حاجات مقدمتهاش بأكثر شكل أنا راضي عنها، بس ده ميخلنيش أستخبى وأقول لا مش هعملها، بالعكس ده يخليني أتعلم منها وأقدم نفسي بشكل أنا راضي عنه.
وأوضح مالك بشأن اختفائه لفترة بسبب انشغاله بأعماله العالمية: أنا كنت في فترة عندي حلم الاحتراف للعالمية، إني أشتغل بره مصر وحققت ده، بس أنا دلوقتي مركز أكثر في بلدي وبالأخص الظروف اللي بتحصل في العالم حاليًا بتخليك عاوز تبقى في وسط أهلك، وأنا متحمس جدًا أني أقدم أكتر شخصيات أنا أتربيت وسطها.
وعلى جانب آخر، يعرض حاليا لأحمد مالك مسلسل مطعم الحبايب، عبر منصة شاهد، وتشاركه في البطولة الفنانة هدى المفتي.
وبشأن كواليس العمل، رد مالك خلال لقائه مع القاهرة 24 مؤخرًا: الكواليس كانت ممتعة والكاست كلهم أساتذة وليهم تقل كبير جدا وبذات في تاريخ الكوميديا رهيب يعنى، فطبعا ده كان بيتعكس عندنا فى اللوكيشن، فالموضوع كان لذيذا، وهدى المفتى من الشخصيات اللى تحس أنك اشتغلت معها قبل كده لمدة سنين طويلة فكان في تعاون، وهي ممثلة مهمة وعندها كتير فاستمتعت بالشغل معها.
ويضم مسلسل مطعم الحبايب بجانب أحمد مالك وهدي المفتي كل من بيومي فؤاد، انتصار، إسلام إبراهيم، سامي مغاوري، وعايدة رياض، مع عدد من ضيوف الشرف منهم عبير صبري، والعمل من تأليف مريم نعوم وإخراج عصام عبد الحميد وإنتاج عبد الله أبو الفتوح.
