إحدى التلميذات المعتدى عليهن من معلم بمدرسة أحمد زويل: كان بيلامس أجزاء حساسة في جسمنا| خاص
كشفت التحقيقات الأولية في واقعة تحرش مدرس بمجموعة من التلميذات في المرحلة الابتدائية، عن طريق ملامسة أجزاء من أجسادهن داخل مدرسة أحمد زويل بمنطقة العمرانية، تفاصيل القضية.
أقوال إحدى التلميذات المعتدى عليهن داخل مدرسة أحمد زويل
وحصل القاهرة 24، على أقوال تلميذة ممن تعرضن للتحرش من المدرس، وجاءت أقوالها كالتالي: اللي حصل إن أنا كنت في المدرسة وكنت في حصة العربي والمدرس اسمه أستاذ محمد، بيدرسلنا وبعد ما خلص الحصة طلع الولاد برة الفصل علشان دي كانت آخر حصة في اليوم وساب البنات في الفصل وفضل يعاكسهم ويحط إيده على أماكن حساسة على جسمي أنا والبنات اللي معانا وبعدها دخل الأولاد جوه الفصل وبعدها أهالينا جت وأخدتنا وروحنا البيت، ولما روحت بابا سألني وقالي في حاجة بتحصل معاكي في المدرسة، حكيتله وقولتله على كل اللي حصل.
س: متى وأين حدث ذلك تحديدا؟
ج: يوم الأحد 29-09-2024، في مدرسة أحمد زويل بالعمرانية ولكن مش فاكرة حصل الساعة كام بس هو كان في آخر حصة.
س: من كان برفقتك آنذاك؟
ج: زمايلي اللي معايا في الفصل.
من: ما سبب وجودك بالمكان سالف الذكر؟
ج: أنا كنت في المدرسة.
من: ما بيانات المدرسة سالفة الذكر؟
ج: مدرسة أحمد زويل بالعمرانية.
س:ما صلتك وعلاقتك بالمدعو محمد.ش.م.س؟
ج: هو المدرس بتاعي في المدرسة.
س: ما الأفعال المادية التي أتى بها المدرس؟
ج: هو كان بيطلب مني أقعد على رجله ويحط ايده على أماكن حساسة.
س: من كان برفقتك حال قيام المتهم بالأفعال سالفة الذكر؟
ج: كان معايا زمايلي اللي في الفصل.
س: هل هناك أفعال أتي بها تجاه سالفات الذكر؟
ج: كان بيحط ايده في أماكن حساسة على جسمهم.
س: ما أسماء وبيانات سالفات الذكر؟
ج: أنا مش عارفة أسمائهم كاملة علشان إحنا لسه في بداية السنة.
س: ما الحالة التي كنتي عليها حال قيام المتهم بالتعدي عليكي؟
ج: هو كان كان بيطلب مننا نعمل حاجات مش كويسة وإحنا كنا بنعمل وهو كان بيلامس أماكن حساسة من أجسادنا.
س: هل تلك الأفعال استطالت عورة من عورتك حال ارتكاب المتهم الواقعة محل التحقيق؟
ج: أيوه كان بيلامس أجزاء حساسة من جسمي.
س: هل اقتصرت أفعال المتهم على تلك الأفعال أم أمتدت إلى أفعال أخرى؟
ج: لا هو عمل كده بس.
س: هل حاولتي مقاومة المتهم حال ارتكابه الواقعة محل التحقيق؟
ج: لا، علشان أنا مش فاهمة هو بيعمل كده ليه.
س: ما مدة وجود المتهم وعدد مرات ارتكابه تلك الأفعال؟
ج: هو المدرس بتاعي وهو كان بيكون معايا كل يوم في المدرسة هو عمل كده معايا حوالي 5 مرات.
س: هل هناك إكراه وقع عليكي؟
ج: لا.
س: ما هي طبيعة الملابس التي كنت ترتديها في كل مرة يتم فيها التعدي عليكي؟
ج: أنا كنت لابسة لبس المدرسة.
س: هل قام المتهم بحصر ملابسه؟
ج: لا.
س: هل قام المتهم بحصر ملابسك؟
ج: لا.
س: وهل استغثتي في أي مرة اعتدى فيها المتهم عليكي؟
ج: لا عشان أنا مش فاهمة هو بيعمل كده ليه.
س: وهل نتج عن قيام المشكو في حقه من التعدي عليكي ثمة إصابات؟
ج: لا أنا الحمد لله كويسة ومفيش أي إصابات.
س: وهل من ثمة شاهد على واقعة الاعتداء عليكي؟
ج: زمايلي اللي معايا في الفصل بس أنا مش حافظة أسمائهم.
س: هل لديك أقوال أخرى؟
ج: لا.
