أم تستغيث لعلاج ابنتها المصابة بورم دموي: مبقتش بتشوف ومش معايا تكاليف علاجها
استغاثت سيدة تدعى فاطمة مختار والمقيمة في منطقة أم بيومي بشبرا الخيمة، بسبب معاناة ابنتها جودي من إصابتها بورم دموي في العين أدى إلى تدهور حالتها الصحية بعد انتشاره في خلايا المخ.
أم تستغيث لعلاج ابنتها من الورم الدموي
وقالت والدة الطفلة جودي والبالغة من العمر 5 سنوات، إن معاناة ابنتها مع المرض بدأت منذ 6 أشهر وبشكل مفاجئ، عندما وجدت ورم في وجه ابنتها، وتوجهت بها إلى المستشفى وهناك أخبرها الأطباء أنها مصابة بورم دموي بالعين وخلال عدة شهور انتشر الورم الدموي في شبكية العين وخلايا المخ.
وتابعت: بنتي فجأة تعبت جدًا، في البداية كان عندها تورم دموي في الوجه وبعدين الورم انتشر، لحد ما دمر شبكية العين عندها، فأصبحت بتشوف بعين واحدة، وتطور المرض ودخل على خلايا المخ دلوقتي.
وأردفت والدة جودي: ابنتي فقدت قدرتها على الرؤية من خلال عين واحدة، والدكتور قالي مينفعش تبقى صاحية ودلوقتي في العناية المركزة وعايشه على المنوم لأن ده ورم دموي وانتشر في خلايا المخ.
وأوضحت فاطمة مختار والدة الطفلة، أن ابنتها تحتاج لإجراء عملية جراحية بشكل عاجل، واضطرت لبيع هاتفها المحمول ولا يمكنها أن توفر لها مبلغ العملية، معقبة: عملية البنت كل يوم بتتأجل عشان مش معايا المبلغ، ومفيش حد ساعدني وجوزي متوفي، ومش عاوزة حاجة غير إني أشوفها كويسة من تاني وخايفة يحصلها حاجة لأن فيه حالة زيها ماتت في المستشفى.. وفي نفس الوقت مش معايا مصاريف العملية.
