عمر متولي عن إعادة تقديم شخصية والده في شمس الزناتي: من قبل ما أمثل نفسي أعملها والظروف مسمحتش
تحدث الفنان عمر متولي، عن سبب اعتذاره عن إعادة تقديم شخصية والده الفنان مصطفى متولي، في فيلم شمس الزناتي بطول محمد عادل إمام، وهو إعادة تقديم لفيلم شمس الزناتي للزعيم عادل إمام.
وقال عمر متولي، في لقائه مع الإعلامية فاطمة مصطفى، في الراديو 9090: من قبل ما أمثل وأنا نفسي أعمل الشخصية، من كتر حبي فيها من زمان، وكانت في دماغي، وتزامن ده مع فيلم بيعمله محمد وأنا بحب الدور الحلو، واللي حصل إن وقت ما كنا بنحضر مينفعش أقول للمنتج معلش هروح أعمل الشخصية دي في فيلم وآجي أعمله معاك في فيلم تاني، واعتذرت وقتها.
عمر متولي عن إعادة تقديم شخصية والده في شمس الزناتي: من قبل ما أمثل نفسي أعملها
وواصل عمر متولي: بس محصلش أي مشاكل ولا أي حاجة، واللي عرفت أنه مرشح يعمل الدور هو شاب ممتاز وزي القمر وأسمر، وأنا شايفه أن ده بيفيدنا مش بيضرنا.
وأضاف عمر متولي: معنديش حتة أني لازم أعمل الشخصية دي، لأ أنا سايب نفسي للسوق، ومحمد مبيفكرش كده هو بيجي العمل وبتلاقي نفسك دخلت.
فيلم شمس الزناتي
ويشارك في بطولة فيلم شمس الزناتي كل من الفنان محمد إمام، أسماء جلال، عمرو عبد الجليل، أحمد عبد الله محمود، خالد أنور، مصطفى غريب، أحمد خالد صالح، بالإضافة إلى مشاركة عدد من ضيوف الشرف في العمل.
