سايس بمسرح جريمة مقهى أسوان بالكوربة: المتهم قتله وحط المطواة على رقبته وقاله كدة أخدت حقي| خاص
يواصل القاهرة 24 نشر التحقيقات في جريمة مشاجرة الكوربة، والتي على إثرها أنهى شخص حياة نجل صاحب مقهى أسوان بمصر الجديدة، بسبب وجود خلافات بينهما على حصة عقارية تطورت بإقدام المتهم على التوجه نحو المجني عليه وطعنه عدة طعنات نافذة بالجسد أودت بحياته.
أقوال سايس بمسرح جريمة مقهى أسوان بالكوربة بمصر الجديدة
وفي هذا السياق، أدلى يوسف. ف. ي 32 عاما، ويعمل سايس بالشارع مسرح الجريمة، بشهادة أمام جهات التحقيق، قال خلالها: اللي حصل إن وأنا واقف عند قهوة أسوان الساعة 11 صباحا لقيت محمد -المجني عليه- وواحد تاني بيتخانقوا مع بعض وبيشتموا بعض روحت حجزت ما بينهم مع الناس في الشارع ومشينا.
واستكمل: المتهم راح محل العصير وقعدنا نهدى في محمد وبعد كدا محمد مشي في اتجاه محل العصير رايح البيت وأنا مشيت وراه عشان هوا معاق، وساعات بيحتاجني أمشي معاه أشتريله حاجة لقيت المتهم خارج من محل العصير وطلع مطواة من جيبه وضرب محمد مرتين بالمطواة في بطنه ومحمد وقع على الأرض وحاولنا نبعده لكن كان بيهجم علينا بالمطواة وبعدين رجعله ثاني وحط المطواة على رقبته ومشاها عليها بس مشوفتش حصل جرح ولا، وقعد يقول بصوت عالي هيا كدا خلصت، أنا أخدت حقى، والأهالي اتلمت ومسكوه ودخلوه محل العصير لحد ما اتقبض عليه وبعدها أنا وأخواته خدناه على مستشفى هليوبلس ولما وصلنا المستشفى عرفت إنه اتوفى وهو ده كل اللي حصل
س: ما صلتك بالمجني عليه؟
ج: أنا شغال سايس قدام قهوة أسوان في الكوربة بتاعت المتوفى.
س: متى وأين حدث ذلك؟
ج: الكلام ده حصل حوالي الساعة 12 مساء في شارع الكورية بمصر الجديدة.
س: ما سبب ومناسبة تواجدك بالزمان والمكان سالفي الذكر؟
ج: أنا بشتغل سايس قدام قهوة أسوان في الكوربة.
س: من كان برفقتك آنذاك؟
ج: كان معايا ابن خالي.
س: ما هي كيفية تعدي المشكو في حقه ناصر. ص على المتوفي محمد. ع؟
ج: لقيت ناصر خارج من محل العصير وطلع مطواة من جبيه وضرب محمد مرتين بالمطواة في بطنه ومحمد وقع على الأرض وقعدنا نبعد فيه وكل ما نيجي نبعده يهجم علينا بالمطواة وبعدين رجعله تاني وحط المطواة على رقبته وقعد يقول بصوت عالي هي كدا خلصت أنا أخدت حقي
س: وما عدد الطعنات اللي كالها المشكو في حقه للمجني عليه محمد تحديدًا؟
ج: هو ضربه بالمطواة ضربات كثير في جسمه بس اللى أقدر أحدده أن ضربه في بطنه وبعدها شال المطواة ومشاها على رقبته وقعد يقول أنا أخدت حقي فا هي كدا خلصت
