شقيق ضحية جريمة مقهى أسوان: طعنه بالمطواة وسابها في بطنه لحد ما مات | خاص
كشفت التحقيقات تفاصيل جديدة في قضية قتل نجل صاحب مقهى أسوان، والذي أنكر ارتكابه واقعة القتل العمد.
شقيق المجني عليه في جريمة مقهى أسوان بمصر الجديدة
وحصل القاهرة 24 على نص التحقيقات في القضية، فبمثول تامر. ع. م 43 سنة أمام جهات التحقيقات، وبسؤاله عن صلته بالمتوفى محمد. ع. م؟ أجاب بأنه شقيقه.
س: ما معلوماتك بشأن الواقعة محل التحقيقات؟
ج: اللي حصل إن امبارح كان في ناس جاية تنفذ أمر أداء بمبلغ مالي لإيجار المحل اللي محمد واخده إيجار من امير. ك. إ عشان امير كان رافع عليه قضية مطالبه بدفع القيمة الايجارية وهما بينفذوا حصلت مناوشات مع امير صاحب العمارة، ومحمد اخويا.
وأكمل: والنهارده في حد شغال في مطعم، اتصل بمحمد وقاله إن في ناس دخلت المحل بيقولوا انهم شغالين في الحي ومحمد اخويا راح للمحل لقى مفيش حد، وبعدها محمد راح قعد في القهوة بتاعته إلى اسمها قهوة أسوان، والمتهم وناس معاه قعدوا يشتموا في محمد اخويا ومحمد رد عليه وحصلت بينهم مشادة وأهل المنطقة حاشوهم وفضوا المشكلة.
واللي عرفته بعدها ان ايمن ابن عمتي قالي ان محمد اخويا وهو مروح البيت على الساعة 12 الظهر وهو مروّح وماشي في شارع المسلة وداخل على محل العصير االي اسمه جنة الفواكه اللي في طريق البيت لقي ناصر. ص صاحب محل العصير جاي ناحية محمد اخويا وماسك في ايده مطواه وضرب محمد اخويا في بطنه بالمطواة، وفضل غارز المطواة جوا بطنه وسابها في بطنه شويه وبعدها شالها والناس اتلمت عشان تحوش ما بينهم لف من ورا الناس ورجع ضرب اخويا بالـ مطوة تاني وفضل فوقه عمال يضرب فيه بـ المطواة والناس عماله تحوش فيه مش عايز يسيبه لحد ما الأهالي عرفت تشيله من فوق أخويا، ومسكته لحد ما الحكومة جات خدته.
وأردف: وأنا لما روحت لقيته واقع على الأرض ولقيت کله دم من بطنه طالع برا وراسه بتنزل دم وبيجيب دم من كل حته في جسمه ولما حطيت ايدي على رقبته لقيت لسة فيه نبض شيلته مع الأهالي وخدته على المستشفى ولما وصلت هناك كان اتوفى، وبعدها روحت القسم قلت أقوالي في المحضر وجيت النيابة وهو دا كل إلى حصل.
س: متى وأين حدث ذلك؟
ج الكلام ده حصل انهارده 20 أكتوبر 2024 حوالي الساعة 12 مساءً، في شارع المسنة الكورية بمصر الجديدة.
س: ومتى تلقيت نبأ وفاة شقيقك المتوفى إلى رحمة مولاه محمد. ع. م؟
ج: اتصل بيا ايمن. ب. ح ابن عمتي وقالي ان اخويا اتقتل واللي قتله ناصر والمكالمة كانت النهاردة الساعة 12:30 مساءً
س: وكيف تلقيت ذلك؟
ج: قام بالاتصال بي هاتفيا.
س: وما هو مضمون ما أبلغك به بالمكالمة الهاتفية؟
ج: قالي إن محمد أخويا وهو مروح البيت على الساعة 12 الظهر وهو مروح وماشي في شارع المسلة وداخل على محل العصير اللي اسمه جنة الفواكه اللي في طريق البيت لقى ناصر صاحب محل العصير جاي ناحية محمد اخويا وماسك في ايده مطواه وضرب محمد اخويا في بطنه بالمطواة وفضل غارز المطواة جوا بطنه وسابها في بطنه شويه وبعدها شالها والناس اتلمت عشان تحوش ما بينهم لف من ورا الناس ورجع ضرب اخويا بالمطواة تاني، وفضل فوقه عمال يضرب فيه بالمطواة والناس عماله تحوش فيه مش عايز يسيبه لحد ما الأهالي عرفت تحوش.
