أرملة محمد رحيم: مات على سريره وقلت إن أخوه موته بسبب انهياري.. ومحدش منعني أدخل جنازته
تحدثت أنوسة كوتة، أرملة الملحن محمد رحيم، عن أزمة جنازة الملحن الراحل، بجانب كشفها حقيقة محاولة منعها من دخول الجنازة خلال دفنه.
وقالت أرملة محمد رحيم، في تصريح خاص لـ القاهرة 24: اختلفت مع أسرته في مواعيد الجنازة والعزاء لأن كان فيه شبهة جنائية، وأنا معنديش مشكلة مع حد، وقلت في الجنازة إن أخوه موته بسبب انهياري العصبي، ده راجل كان المفروض يتدفن، الناس عايزين يشفوني إزاي؟، بدل ما أحزن عليه رحت النيابة.
وتابعت أرملة محمد رحيم: محدش منعني أدخل وقت دفن رحيم ومحدش يقدر يمنعني، وأنا كان عندي انهيار عصبي وكنت عايزة الدفن يتم بسرعة، وكان ضغطي عالي وعندي أحاسيس وحشة، أنا كنت منتظرة أحزن عليه مش ندفنه بعد كل الوقت ده.
وفاة محمد رحيم
ورحل عن عالمنا الملحن محمد رحيم، عن عمر ناهز الـ 45 عامًا، بعد إصابته بـ أزمة قلبية، وشيع جثمانه اليوم الأحد من مسجد الشرطة بحضور عدد كبير من نجوم الفن على رأسهم الكينج محمد منير، والفنان تامر حسني، وأحمد زاهر، ومصطفى كامل نقيب الموسيقيين، وحميد الشاعري، وغيرهم من النجوم.
