الشيف الشربيني عن واقعة دهس نجل زوجته لعامل دليفري: خد العربية من ورايا.. ومراتي صحتني من النوم بالصويت| خاص
كشفت التحقيقات في القضية رقم 1268 لسنة 2024 جنح أول الشيخ زايد، والمتهم فيها نجل زوجة الشيف الشربيني بدهس عامل دليفري متسببا في وفاته على طريق الشيخ زايد بالجيزة.
أقوال الشيف الشربيني عن واقعة دهس نجل زوجته لعامل دليفري
وحصل القاهرة 24 على التحقيقات في واقعة دهس عامل دليفري علي يد نجل زوجة الشيف الشربيني في قضية دهس نجل زوجته لعامل دليفري بالشيخ زايد، ما تسبب في وفاته.
وقال الشيف الشربيني أمام جهات التحقيق عند استجوابه عن معلوماته بشأن الواقعة محل التحقيق: اللي حصل إني الفجر صحيت على صوت زعيق وصويت من مراتی، وقالتلي إن مازن ابنها عمل حادثة بالعربية الرينج روفر، وإنه كان واخد المفتاح من ورايا، لما أنا طلعت نمت، وروحت أنا وهي نازلین وروحنا على مكان الحادثة، كانت عربيتي مركونة، والمجنى عليه مُتوفى على الأرض والموتوسيكل بتاعه موجود.
وأضاف الشيف الشربيني ضمن أقواله أمام جهات التحقيق: لما روحنا أنا ومراتي، مازن كان مشى من المكان، وأنا فضلت واقف أشوف اللي بيحصل، وبعد كده لقيت إن الناس اتلمت، وبقا يحصل مشادات بينا وبين الناس فـ أنا قولت محدش يتجاوز حدوده، ولما لقيت إن الناس هتبدأ تغلط مشيت وقومت مبلغ القسم، وفضلت أدور علی مازن وعرفت أنه خاف وراح يقعد عند حد من قرايب والدته، وحاولت أجيبه.
الشيف الشربيني عن نجل زوجته صاحب واقعة دهس عامل دليفري: مكنش قصده حاجة وحشة
وأكمل الشيف الشربيني: وبعد كده طلعت على البيت عندي، ونبهت على زوجتي ضرورة حضور مازن، وراحت جابته من عند قرايبها وجت، وأنا خدته وروحت على قسم أكتوبر بناء على طلب الشرطة، علشان في ناس كتير واقفة عند قسم زايد ومازن فضل معايه هناك لغاية ما جينا على النيابة، وأنا مبتهمش مازن بحاجة، هو أه خد العربية بتاعتي من ورايا بس ده طيش شباب، ومكنش قصده حاجة وحشة.
