طارق عبد الحليم يهاجم تصريحات عمر كمال حول حرمانية أمواله: عايز التريند.. ولو فلوسه حرام ميشتغلش
هاجم المطرب طارق عبد الحليم، المطرب عمر كمال بعد تصريحاته الأخيرة حول حرمانية أمواله، مشيرًا إلى أن الأخير غرضه التريند فقط بتلك التصريحات.
وقال طارق عبد الحليم في لقائه مع القاهرة 24: عايز تريند وغرضه الشو ولو فلوسه حرام ميشتغلش تاني وبيكلم ناس في مواضيع بعيدة عن الفن من غير ما يقدم أي أغنية عشان التريند وتفضل الناس تكلم عليه من غير ما يدفع أي فلوس.
وكشف طارق عبد الحليم مؤخرًا رأيه في المطرب المقنع توو ليت الذي أثار جدلًا في الفترة الأخيرة بعد ارتدائه ماسك في حفلاته، ورفضه الكشف عن هويته، حيث أكد أنه لو كان نقيب الموسيقيين سيرفض منحه تصريح للغناء.
طارق عبد الحليم: لو كنت نقيب الموسيقيين مش هدي تصريح لـ توو ليت
وقال طارق عبد الحليم في لقائه مع القاهرة 24: لو كنت نقيب الموسيقيين مش هدي تصريح لـ توو ليت.. أنا راجل محامي وقانونيا غلط أدى تصريح لشخص مقنع على كده كل الناس تلبس ماسك واللي يسرق يسرق واللي يقتل يقتل، ما واخد تصريح أنتوا بتشجعوا على إيه.
وعلى جانب آخر، تحدث طارق عبد الحليم، عن نجاح مطرب المهرجانات الشعبية والممثل الصاعد أحمد بحر الشهير بـ كزبرة، قائلًا: كزبرة آية من آيات ربنا ونجاحه بيوضح إن ممكن حالك يتغير في لحظة بالرغم أن ممكن ميكونش عندك أي مقومات بس هي بتاعة ربنا، المطربين اللي كانوا مش بيردوا عليه هيتشلوا من نجاحه، لكن الأكيد أن هو اجتهد وكان بار بأمه، وأنا مبسوط لنجاحه، ومكسر الدنيا في التمثيل.
