زينة تكشف نيتها خوض تجربة الدراما التركية: قرأت الإسكريبت ودوري مصرية
كشفت الفنانة زينة، عن نيتها خوض تجربة الدراما التركية لأول مرة، مشيرة إلى أنه عُرض عليها إسكريبت مسلسل، وستظهر في دور سيدة مصرية.
وقالت زينة خلال لقائها في برنامج ET بالعربي: اتعرض عليا مسلسل تركي، قرأت الإسكريبت لكن مكتوب بشكل مختلف، بيكتبوا 5 حلقات، وبعدين بيكملوا خلال التصوير، ودوري سيدة مصرية، ولسه بشوف إن شاء الله يبقى في حاجات كويسة.
زينة تكشف كواليس ولادة أبنائها في ولاية كاليفورنيا
وكشفت زينة، مؤخرًا، كواليس ولادة أبنائها في ولاية كاليفورنيا، مؤكدة أن تلك الفترة من أصعب مراحل حياتها، إذ كانت بمفردها أثناء ولادتها لـ أولادها الذي أصيبوا بـ كثير من الأمراض.
وقالت زينة خلال لقائها مع ABtalks: أنا شفت حاجة مفيش بني آدمين يقدروا يتجاوزوها، مرحلة أنك تولد لوحدك في الغربة، وولادي كمان كانوا عيانين أوي، كل يوم بنكتشف مرض جديد ليهم، كنت عاوزة أشبع منهم على قد ما أقدر عشان لو جرالهم حاجة.
وأضافت: كانوا في المستشفى بيفتكروني مش طبيعية، وجابولي شيخ ودكتورة هندية، كنت بكلمها هي الوحيدة بالعربي عشان كنت بطمنلها وكانت حنينة عليا ومكنتش بتتكلم عربي، جابولي مترجمة.
