سارة نخلة: الراجل مطلوب منه يوفر فلوس لمراته تعمل فيلر وبوتكس

تحدثت الفنانة سارة نخلة، عن مفهومها للمسؤولية في العلاقات الزوجية، مشيرة إلى أن الرجل يجب أن يكون قادرا على تحمل الأعباء الحقيقية وليس الاكتفاء بالكلام المعسول.

تصريحات سارة نخلة

وقالت سارة نخلة في تصريحات تليفزيونية: أنا مبحبش أراوغ، يا إما أنت هتعليني أو تبقى على نفس مستوايا، اللفلفة والدباديب مابقتش تأكل عيش، دي كانت حاجة يضحكوا علينا بيها زمان، لكن دلوقتي أنا فوق الـ30، ما حدش يقدر يضحك عليا.

وأضافت: المسؤولية مش إن الراجل يكلمني يقول لي أخبارك إيه، دي حاجة عادية، المسؤولية هي أنه يشيل كل حاجة: البيت، المصاريف، وكل اللي يخصنا، أنا مش هقف مع السباك ولا مع بتاع التكييف، وفرلي كل ده وبعدين تعال قول عليا نكدية.

وبشأن مقارنة السيدات المصريات بغيرهن من الجنسيات، أوضحت: الست المصرية أجدع ست في الدنيا، شايلة كل حاجة لوحدها، من مصاريف البيت للمدارس والنوادي، ولا سورية ولا لبنانية تقدر تستحمل اللي المصريات بيستحملوه..

وتابعت: اهتمام المرأة بنفسها ده دور الراجل كمان، وفرلي الفلوس اللي تخليني أعمل بوتكس وفيلر، وفرلي سواق وحاجات البيت، وبعدها تعالى قول عليا نكدية.

أخر أعمال سارة نخلة

ويعتبر مسلسل حكايتي هو آخر أعمال الفنانة سارة نخلة، والعمل من بطولة الفنانة ياسمين صبري، وشارك في بطولته: أحمد بدير، وفاء عامر، أحمد صلاح حسني، جمال عبد الناصر، إدوارد، نهال عنبر، إسلام جمال، وغيرهم.

سارة نخلة ردًا على تصريحات هادي الباجوري: كلامك فيه تجاوز لقيم المجتمع العربي

سارة نخلة تُهاجم أسرة نيرة أشرف: بتاجروا ببنتكم المقتولة من أجل التريند!