بسمة بوسيل: أغنيتي الجديدة لاء ثواني هتعبر عن صرخة أنثى وهتنكد على الجمهور
كشفت الفنانة بسمة بوسيل، عن أغنيتها الجديدة والتي تحمل اسم لاء ثواني، والمقرر طرحها يوم 15 من شهر يناير الجاري.
بسمة بوسيل تكشف عن أغنيتها الجديدة
وشوقت بسمة بوسيل لأغنيتها عبر حسابها الشخصي بموقع تبادل الصور والفيديوهات إنستجرام، إذ كتبت: صباح الجمال صحيت مبسوطة الحمد لله فحبيت أنكد عليكوا بأغنيتي الجديدة اللي هتنزل يوم 15 يناير.. أغنية كلاسيكية راقية جدا تحسوا كده إنها بتعبر عن صرخة أنثى.
وأضافت بسمة بوسيل: الأغنية اسمها لاء ثواني هتبقى إن شاء الله رائعة من روائع الزمن السيء اللي إحنا فيه ده انتظروني.
وكانت تحدثت بسمة بوسيل مؤخرًا عن انفصالها وطلاقها من الفنان تامر حسني، والد أبنائها، مؤكدة طيب العلاقة بينهما بعد الطلاق، وتفاصيل عودتها إلى الفن مرة أخرى.
وقالت بسمة بوسيل في تصريحات تليفزيونية: مكنش ينفع أغني وأنا متجوزة، ورجعت أغني بعد الطلاق، وأنا ولادي وعائلتي عندي بالدنيا، وكل حاجة عدت كانت مستاهلة اللي عملته، ومفيش حاجة اسمها استراحة محارب، هو أنا كنت بحرر أرض محتلة؟، أنا رجعت علشان حبي للغناء.
وأضافت بسمة بوسيل: وأنا صغيرة كنت عارفة أن العائلة أهم حاجة بالنسبة ليا، ولما كبرت وعملت كل حاجة علشان أفضل في العلاقة ومنفعش مشيت مع الحياة، ومقعدتش أعيط وأقول مش هعرف أعمل حاجة، دورت أنا عايزة إيه ورجعت للغناء، أنا عملت في حياتي تضحيات كتير علشان عائلتي، ولكن زي ما ربنا بيأذن بالجواز بيأذن بالطلاق، وكل حاجة مكتوبة في كتاب مينفعش نهرب منها.
