رامي صبري: أتعاون مع تركي آل الشيخ في أغنية جديدة.. ونفسي شيرين وأنغام يتجمعوا بأغنية واحدة
أكد رامي صبري، أنه يتعاون مع المستشار تركي آل الشيخ، رئيس هيئة الترفيه بالسعودية في أغنية جديدة من ألحانه وغنائه، مشيرًا إلي أنه يتمنى إقامة ديو يجمع بين شيرين عبد الوهاب وأنغام.
وقال رامي صبري في تصريحات تلفزيونية: أتعاون مع تركي آل الشيخ في أغنية جديدة من ألحانى وغنائي قريب وهتكون حاجة تشرفنا وهو راجل فنان حقيقي وفاهم في الفن.
وتابع رامي صبري: نفسي في 2025 كل النجوم يعملوا ديو مع بعض زي ما عملت أنا وتامر حسني أتمنى يردوا علينا أنغام وشيرين عبد الوهاب بأغنية مع بعض.
في سياق مختلف، سبق ورد رامي صبري مؤخرًا على موقفه من تشبيهه بـ الهضبة عمرو دياب، مؤكدًا أن الأخير ينتمي إلى جيل آخر غير جيله.
وقال في تصريحات إذاعية: أول ما اشتغلت قعدت فترة أسمع ده بيقلد عمرو دياب، ده عاوز مش عارف إيه، وأنا كنت أسمع من بعيد وأضايق من التشبيه، هما بيعملوا كده ليه؟، هو أنا فعلًا بقلده؟، هو أنا شبهه؟، يمكن أنا متأثر بيه وأنا مش عارف، وعمرو دياب جيل تاني مش جيلي يعنى حتى لو في شبه مش أزمة.
وأضاف رامي صبري: فضلت طول أول 5 سنوات أخلي بالي أوي لو أنا شبهه في حركة الأيد وأركز في كل التفاصيل، وبقيت كده لحد ما ابتديت واحدة واحدة أحس إن الناس ابتديت تهدى في الموضوع ده، لأن الناس مكنتش عارفاني في الأول ومتعرفش أنا بعمل إيه وأنا حقيقي ولا شوية وهمشي.
