ترك ثقبين بالمعدة.. سيدة تحذر من أحد الأطباء: صاحبتي توفيت بسبب إهماله خلال عملية التكميم
استغاثت نجلاء حسني من تعرضت صديقتها شيماء لإهمال طبي خلال إجراء عملية تكميم معدة، إذ زعمت أن صديقتها عانت من تسريب في المعدة بسبب وجود فتحتين في المعدة لم يغلقهما الطبيب مما سبب لها تسمم كامل في الدم.
سيدة تحذر من أحد الأطباء: صاحبتي توفيت بسبب إهماله في عملية تكميم المعدة
وقالت نجلاء حسني لـ القاهرة 24: صاحبتي توفيت يوم 20 فبراير الجاري بسبب مضاعفات عملية التكميم اللي عملتها عند دكتور يدعى هـ.إ، بندور على إجراء قانوني يرجع حقها بدون تشريح، إحنا معانا التقارير الطبية وكل ما يثبت الحالة اللي هي مرت بيها.
وأضافت نجلاء حسني: إحنا عايزين نعرف كل الناس إن الدكتور ده ما ينفعش حد يثق فيه عشان محدش يمر باللي شيماء صاحبتي مرت بيه.
وأكملت نجلاء في بوست نشرته على حسابها الشخصي: لما تعبت دخلت المستشفى والدكتور اللي عملها العملية جالها عشان يصلح اللي حصل بعد ما خرجت من العملية، اكتشف إن كان فيه ثقب تاني ما تقفلش دخلها لتاني مرة وهي ضغطها ونبضها مافيش أصلا، عشان يقفل الثقب اللي نساه وكانت النتيجة إنها توفيت في الحال.
وأردفت: بأذن الله مش هنسيب حقها بس طالبة منكم كلكم رجاء ما حدش يفكر يتعامل معاه.
