تامر الجيار: مصدقتش نفسي لما مضيت مسلسل بطل العالم.. وكنت خايف على جيهان الشماشرجي من مشاهد الأكشن
تحدث التيك توكر تامر الجيار، عن مشاركته في مسلسل بطل العالم، بطولة الفنان عصام عمر، والتي تُعد أولى أعماله الفنية، بجانب الحديث عن تعاونه مع الفنانة جيهان الشماشرجي.
وقال تامر الجيار في لقائه ببرنامج الستات مايعرفوش يكدبوا: مصدقتش نفسي لما قالولي تعالى علشان تمضي مسلسل بطل العالم، لما رحت أول يوم تصوير كان عندي مشهدين ومساعد المخرج استوعبني أوي، وأنا علشان أول مرة مكنتش فاهم الموضوع أوي، التصوير صعب أوي.
وأضاف الجيار: لما رحت تاني يوم تصوير قالولي أنت هتمثل النهاردة وقلت لو عملت اللي قالوا عليه هكمل، ولما اتحطيت في المشهد مع جيهان الشماشرجي، حصلي ارتباك واتخضيت والكاميرا ليها رهبة جامدة.
وعن مشاهده مع جيهان الشماشرجي، فعلق تامر الجيار: دخلت جيهان قولتلها أنتي رقيقة أنا خايف عليكي من المشهد، قالتلي لأ اتصرف بطبيعتك، وبعد ما صورت كنت مبسوط ولكن مش شايف هطلع إزاي على الكاميرا، ولكن كل اللي ورا الكاميرا أشادوا بيا وحسيت أني في بيتي مش حاسس بغربة وبقيت حاسس إني مع إخواتي.
أبطال مسلسل بطل العالم
ومسلسل بطل العالم بطولة عصام عمر، جيهان الشماشرجي، فتحي عبد الوهاب، ومن إنتاج طارق نصر وشركة ذا بلانت ستوديوز، وإخراج عصام عبد الحميد، وتأليف هاني سرحان.
