أحمد عبد الحميد عن مشاركة تامر الجيار في مسلسل بطل العالم: مؤمن بالفرصة.. ومشاهد الأكشن بيننا حقيقية
أعرب الفنان أحمد عبد الحميد، عن سعادته الكبيرة بمشاركة التيك توكر تامر الجيار، في مسلسل بطل العالم، بطولة الفنان عصام عمر، والذي يعرض حاليًا وحقق العمل نجاحًا كبيرًا منذ بداية عرضه.
أحمد عبد الحميد عن مشاركة تامر الجيار في مسلسل بطل العالم: مؤمن بالفرصة.. ومشاهد الأكشن بيننا حقيقية
وقال أحمد عبد الحميد، في تصريحات تليفزيونية: مسلسل بطل العالم بشكل عام من أحلى الحاجات اللي عشناها، وأول ما عرفت أن القدوة معانا اتبسطت جدًا ويمكن هو مكنش عارفني ولكني عارفه، واتبسطت لأني متابعه من زمان وعارف أن عنده موهبة وعايز يطلعها.
وأضاف: أنا مؤمن أن الفرصة بتيجي كده كده، وبصراحة أنا سعيد بيه جدًا، ومشاهد الأكشن كانت حقيقية وشدلي شعري في المشهد وهو بيخطفني.
كما علق تامر الجيار، على مشاهد الأكشن مع أحمد عبد الحميد، قائلًا: كان مشهد جامد وكان أول مرة أصور مع أحمد عبد الحميد، قولتله هشد شعرك جامد، قالي أتصرف زي ما أنت عايز.
وأعرب تامر الجيار، عن سعادته الكبيرة بـ دعم أبطال مسلسل بطل العالم، قائلًا: لما يكون الناس الأبطال بتوع العمل، بيتكلموا على راجل بسيط زيي بالطريقة دي، ده شرف ليا، وحابب الحالة اللي المسلسل عاملها مع الناس في الشارع، ودايمًا بقول لما الناس تكون نفسيًا كويسة ربنا بيحط البركة.
