محمد عبد المنصف يعتذر لـ لقاء الخميسي: بحبك ومش هزعلك تاني
اعتذر محمد عبد المنصف حارس مرمى الزمالك والمنتخب الوطني السابق، لـ زوجته الفنانة لقاء الخميسي، بعد أزمة زواجه سرًا التي أثارت الجدل خلال الفترة الماضية.
وقدم محمد عبد المنصف، اعتذاره لـ لقاء الخميسي، عبر مداخلة هاتفية في برنامج Mirror: أنا بعتذر وبكبر من نفسي لأن الناس لما بتغلط لازم تعتذر.. وده مش ضعف ده قوة.. وبقول لـ لقاء أنا بحبك وفخور بيكي، إن شاء الله مش هيكون في زعل تاني.
لقاء الخميسي تكشف تفاصيل أزمة زواج محمد عبد المنصف
وعن تفاصيل معرفتها بخبر زواجه، قالت لقاء الخميسي: عرفت من شهر 10 من وأنا في الجونة بشكل لئيم، حد كان جاي قاصد يوصلي المعلومة ولما رجعت قولتله وبعدها بيومين قالي إن ده حصل، مستقبلتش الخبر بهدوء خالص وحسيت أني خدت قلم على وشي والدنيا اسودت على الكل، وعلى مدار 7 سنين محستش بأي تغيير ولا شكيت فيه ومقصرش معانا ولا كان فيه أي غلطة.
وأضافت: لما محمد عبد المنصف قالي إنه اتجوز كنت منهارة وخدنا بريك من بعض علشان أهدى، لأني لو خدت القرار في اللحظة البائسة هيكون قرار غلط، لأن اللحظة اللي كنت متضايقة فيها كنت عايزة أتطلق، أي ست هتتحط في الموقف ده أول كلمة هتقولها طلقني إحنا كلنا تافهين.
