اعمليها في دقائق| تتبيلة الفراخ المشوية نادية السيد.. أكلة رمضانية رائعة

تكثر عمليات البحث عن تتبيلة الفراخ المشوية نادية السيد، وذلك لثقة العديد من ربات البيوت في وصفات الشيف نادية، وبالفعل هي تتبيلة سهلة وسريعة يمكن إنجازها في دقائق، والاستمتاع بطعم فراخ مشوية في الفرن طرية من الداخل ولذيذة جدا، وتناسب سفرة رمضان، لتكون الفراخ المشوية طبق رئيسي مع المحاشي أول يوم رمضان، كما يمكن تقديمها مع الأرز البسمتي، والكثير من الخيارات الأخرى لـ ألذ أكلات رمضانية.

تتبيلة الفراخ المشوية نادية السيد

تعتمد تتبيلة الفراخ المشوية للشيف نادية السيد، على خفق مكونات التتبيلة في الخلاط، ومن ثم استعمالها في تتبيل صدور الفراخ أو الأوراك أو دجاجة كاملة حسب الرغبة.

مقادير تتبيلة الفراخ

• 2 حبة طماطم.
• ثمرة بصلة أحمر.
• قطعة فلفل رومي.
• قرن فلفل حامي.
• 4 فصوص ثوم.
• ملعقة كبيرة ملح.
• ملعقة متوسطة فلفل أسود.
• ملعقة صغيرة بابريكا.
• ملعقة كبيرة كزبرة جافة.
• ملعقة صغيرة كمون.
• ملعقة صغيرة قرفة.
• ملعقتين معجون صلصة طماطم.
• ثلث كوب دبس رمان.
• نصف كوب زيت.

طريقة تتبيلة الفراخ المشوية للشيف نادية السيد

• ضعي الطماطم والبصل والفلفل الرومي والفلفل الحامي في وعاء الخلاط.
• أضيفي الثوم وصلصة الطماطم ودبس الرمان والزيت ثن ضعي التوابل.
• ضعي الملح والفلفل الأسود والكمون والقرفة والكزبرة والبابريكا.
• أخفقي المكونات للحصول على معجون ناعم من تتبيلة الفراخ المشوية.
• حضري قطع الفراخ لتكون جاهزة على التتبيل بوضعها في بولة.
• صبي فوقها التتبيلة وغلفيها بها جيدا من كل الجهات واتركيها منقوعة في التتبيلة.
• وعند تسوية الفراخ رصي شرائح بصل وجزر وبطاطس وفلفل رومي في صينية.
• ضعي قطع الفراخ المتبلة فوق الخضار وصبي باقي التتبيلة لتصل إلى الخضار أسفل الصينية.
• غلفي صينية الفراخ بورق زبدة ثم ورق فويل وأدخليها الفرن على أعلى درجة حرارة.
• وبعد مرور 40 دقيقة افتحي ورق الفويل على صينية الفراخ وادهنيها بملعقة كبيرة من دبس الرمان.
• اتركي الفراخ المشوية أسفل الشواية لتأخذ لونا محمرا لمدة 5 دقائق ثم اخرجيها وقدميها ساخنة.

طريقة عمل وراك الفراخ نادية السيد

وأما طريقة عمل وراك الفراخ نادية السيد، فقد أوضحتها الشيف عبر قناتها الرسمية بموقع يوتيوب بأسهل تتبيلة تنافس تتبيلات المطاعم ويمكن تحضيرها بهذه المكونات:

مكونات تتبيلة وراك الفراخ

• 3 ملاعق كبار زبادي.
• ملعقتين من معجون صلصة الطماطم.
• نصف كوب زيت.
• ملح وفلفل أسود.
• ملعقة صغيرة بابريكا.
• ملعقة متوسطة بهارات فراخ.
• ملعقة متوسطة كاري.
• رشة كمون.
• ملعقة كبيرة مرقة دجاج بودر.
• ملعقة كبيرة ثوم مفروم.

طريقة عمل وراك الفراخ في الفرن

• اخلطي الزبادي مع الصلصة والزيت الثوم.
• أضيفي الملح والفلفل والكاري والكمون والبهارات.
• ضعي البابريكا ومرقة الدجاج الفورية واخلطي المكونات بمضرب يدوي.
• تبلي وراك الفراخ أو الدبابيس بالتتبيلة واتركيها مدة ساعتين تقريبا.
• ضعي مكعبات بطاطس وشرائح فلفل رومي في صينية.
• خذي ملعقتين من التتبيلة وقلبيهم في البطاطس والفلفل.
• رصي وراك الفراخ المتبلة فوق البطاطس وأدخلي الصينية إلى الفرن.
• ضعي الفراخ في فرن ساخن على درجة حرارة 200 درجة لمدة نصف ساعة.
• قدمي وراك الفراخ المشوية مع الأرز المبهر والسلطة وبألف هنا أكلة رمضانية رائعة.