الإفتاء: اعرف الدار قدرت قيمة زكاة الفطر إزاي بطريقة سهلة وبسيطة وميسرة ولغة عامية أيضا سهلة وبسيطة
شرحت دار الإفتاء المصرية، كيفية تحديدها لزكاة الفطر، والتي حددتها 35 جنيها حد أدنى عن الفرد.
الإفتاء: اعرف الدار قدرت قيمة زكاة الفطر إزاي بطريقة سهلة وبسيطة وميسرة ولغة عامية أيضا سهلة وبسيطة
وكتبت عبر فيس بوك: اعرف دار الإفتاء المصرية قدرت قيمة زكاة الفطر إزاي بطريقة سهلة وبسيطة وميسرة ولغة عامية أيضا سهلة وبسيطة، حسبناها على القمح البلدي اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر، بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا.
وواصلت: طب سعر أردب القمح كام؟، دلوقتي سعره ٢250 جنيه مصري من أحسن الأنواع، وأردب القمح فيه ١٥٠ كيلو، يبقى سعر الكيلو 15 جنيها، والزكاة في القمح (٢.٠٤ كيلو)، يبقى نضرب ٢.٠٤كيلو * 15 جنيها، يطلع الناتج 30.6 جنيها مصري تقريبًا، ودار الإفتاء قالت إنه ٣٥ جنيها يعني زودت كمان عن الحد الأدنى بشوية و35 جنيه ده الحد الأدنى (يعني طلع أكتر من ٣٥ جنيها لو معاك ودخلك يسمح لك).
وتابعت: طب إنت شايف إن 35 جنيها قليل ومش هتعمل حاجة، يبقى طلع ما ترضاه نفسك، ولا تلزم غيرك يطلع زيك؛ لأنه ممكن يكون غير قادر، كمان تقدر تطلعها فلوس لا تشتر بها شيء؛ لأن بعض الناس مفكرة إننا ناخد الفلوس نشتري بها أرز مثلا، لأ طلعها فلوس عادي وزكاتك صحيحة، وربنا يتقبل منك، كمان يجوز إخراجها من أول رمضان إلى صلاة العيد.
