علي جمعة يمازح أحد الشباب: متقوليش يا فندم.. هما خوفوكم وقالوا لكم أوعى تخاطب مولانا إلا بـ "يا فندم"؟
رد الدكتور علي جمعة، عضو هيئة كبار العلماء، خلال برنامجه نور الدين والشباب، على سؤال أحد الشباب: نصه: لو خارج مع صحاب بنات أو ولاد وبنقى جروب كبير لكن والدي يقولي ماتخرجش مع بنات عشان حرام، مع إننا بنخرج كأصحاب وفي إطار معين.
علي جمعه يمازح أحد الشباب
وقال علي جمعة: طيب أنا بسأل فقط: هل الاختلاط ده مافيهوش خطورة؟ يعني مافيهوش إن والدك خايف عليك ووالدها خايف عليها، ولا الثقافة الحالية وصلت لدرجة أن الأمر أصبح عاديا تماما ولا يستدعي أي خوف، ليرد الشاب: بتبقى يا فندم على حسب الحاجة اللي رايحين نعملها، ليقاطعه علي جمعة بقوله: متقوليش يا فندم، هما خوفوكم وقالوا لكم أوعى تخاطب مولانا إلا بيافندم، خليها بأريحية شوية.
وواصل علي جمعة: أنا جايبك كخبير للشباب هل هذا الأمر فيه خطورة ولا لأ، وهل الثقافة وصلت إنك بتعاملها كأخت من أخواتك وإنه عيب أوي تعمل حاجة أو هي تعمل حاجة مفيهاش شفافية أو اتقاف مسبق بحيث إننا وصلنا لثقافة معينة تجعل الأب غلطان في كلامه عن الاختلاط في السفر أو المأموريات، من جانبه، قال الشاب: مش بيبقى مخطئ ولكن بيبقى خايف علينا، لكن دا راجع لحسب الشيء اللي رايحين نعمله مهمة عمل مثلا.
