أحمد مالك عن اندماجه بمشهد المشاجرة في مسلسل سوا سوا: أمنيتي الناس تصدق اللي بقدمه
كشف الفنانة أحمد مالك، كواليس مشهد المشاجرة في مسلسل سوا سوا، الذي يقدم بطولته رفقة الفنانة هدى المفتي، وحقق العمل نجاحًا كبيرًا منذ بداية عرضه بالسباق الرمضاني الحالي عبر شاشة قنوات MBC مصر.
وعلق أحمد مالك، على اندماجه الشديد بالمشهد، قائلًا: بفصل الشخصية اللي بعملها عن شخصيتي الحقيقية دي شغلانة، الدكتور بيمارس مهنته وطبعًا الدكاترة شغلتهم أهم بكتير بينقذوا حياة بني آدمين وإحنا بنعمل فن يعني، وبس بقارن مهنة بمهنة، بيدخل يعمل عملية ويروح بيته مش بياخدها معاه، والواحد اللي عنده حرفة في التمثيل بيعرف لما يرجع لـ لبسه ويطلع من اللوكيشن خلاص دي شغلانة خلصتها، هو بس الواحد يبقى حقيقي وعنده ضمير في شغله ويقدمه بأحسن شكل، وده شغفي في المهنة أني أبقى صادق وحقيقي ويارب الناس تصدق اللي أنا بحاول أقدمه دي أمنيتي.
وأضاف أحمد مالك: كل مشهد ظروفه مختلفة ممكن يكون طالب حالة من السعادة أو الحزن والواحد يكون ملتزم بـ ده ويكون مقدر اللي حواليه ميقولش أنا جوا المشهد ومجنون ده غلط.
مسلسل سوا سوا
مسلسل سوا سوا بطولة أحمد مالك، هدى المفتي، شريف الدسوقي، أحمد عبد الحميد، نهى عابدين، حسني شتا، خالد كمال، محمود السراج، عبد العزيز مخيون، محمود السراج، وتدور الأحداث حول امرأة تجد نفسها عالقة في منطقة رمادية قاتلة بين رجلين يمثلان نقيضين تمامًا، أحدهما يحبها بصدق وتفانٍ، والآخر يرى في الحب مجرد امتداد لسطوته وقدرته على السيطرة.
