المتهم ضربني وشتمني علشان بصوره.. أقوال مصور واقعة التعدي على فرد الأمن داخل كمبوند شهير بالتجمع
كشفت التحقيقات في قضية اتهام رجل أعمال بالتعدي بالضرب على فرد أمن داخل كمبوند بالتجمع الخامس، تفاصيل أقوال مصور الواقعة.
أقوال مصور واقعة التعدي على فرد الأمن داخل كمبوند شهير بالتجمع: المتهم ضربني وشتمني علشان بصوره
وروى مصور الواقعة التفاصيل خلال التحقيقات، وجاءت أقواله كالآتي:
س: ما السبب وراء تعدي المتهم بالضرب على المجني عليه؟
ج: معرفش ايه السبب اللي خلاه يضربه أنا نزلت لقيته بيضربه.. بس أعتقد عشان امبارح کان أول يوم لفرد الأمن يرجع تاني مكانه وفيه خلافات ما بينه وبين المتهم دا اللي أنا أعرفه.
س: وما هي طبيعة تلك الخلافات تحديدا؟
ج: المتهم مكانش عايز فرد الأمن يفضل في مكانه وبالفعل إحنا علشان نراضيه مشيناه وكان اختلف مرة واحدة مع فرد الأمن واللي فاكره إن مرة خبط عليه بسبب جارة كانت راكنة عربيتها في المكان المخصص للمتهم.
س: وهل دار حوار بينك وبين المتهم آنذاك؟
ج: لا.. أنا لقيته عمال بيشتم وبيسب وكل ما أحاول أفض ما بينهم آلاقيه بيزقني.
س: ما هي طبيعة الألفاظ التي تعدي بها عليك المشكو في حقه تحديدا؟
ج: شتمني فقلتله، عيب كدا وميصحش كدا لقيته بيشتم طلعتله الموبايل وبدأت أصور وكنت بأقوله معادنا في النيابة.. فشتمني وقال معادنا ف المحكمة وبدا يزقنى ويضربني في صدري علشان مصورش اللي حصل ولقيته برضو بيشتمنى وبيشتم مراتي وبناتي وهددني بالضرب.
س: هل كانت تلك الألفاظ علانية؟
ج: أيوة.. هو كان بيشتمني ويزقني قدام كل الناس اللي موجودة في الكمبوند.
س: هل کان سالف الذكر قاصدا التعدي على شخصك تحديدا آنذاك؟
ج: أيوة
س: هل کان بحوزة المشكو في حقه ثمة أسلحة ظاهرة أو مخبأة آنذاك؟
ج: لا
