شوبير: الأهلي منفتح على بيع إمام عاشور لكن بعرض مناسب
تحدث الإعلامي أحمد شوبير، عن الأخبار المنتشرة حول العروض المقدمة لنجم الأهلي، إمام عاشور، والعديد من الأخبار الرياضية الأخرى، منها تصريحات وكيل المدير الفني للأهلي ييس توروب.
شوبير: الأهلي منفتح على بيع إمام عاشور لكن بعرض مناسب
وقال أحمد شوبير خلال تصريحات إذاعية: “اتكلمت مع حد في الأهلي سألته عن إمام عاشور.. يا جماعة إمام عنده عرض سعودي؟.. قالوا ما عندوش أي عروض.. والله العظيم لسه يا كابتن، ما عندوش عرض والكل ينتظر كأس العالم عشان يختار وممكن الأندية السعودية تشوف لعيبة تانية في كأس العالم عشان تختار.. وليه إمام ما يروحش أوروبا؟.. إذن الباب مفتوح قالوا أيوه.. الباب مفتوح برحيل أي لاعب وخلاص احنا خلصنا إفريقيا ولو في عرض مناسب هنوافق على رحيل أي لاعب مش بس إمام”.
وكيل توروب: الأهلي يجب أن يدافع عن توروب
وتابع شوبير: تواصلت مع وكيل الدنماركي، مدرب الأهلي توروب، فراس علي، وسألته عن كامويش لاعب الأهلي حاليًا، وقالي: "أنا لا أعرف كامويش لعيب جيد أو لا.. وتعاونت مع الأهلي في أكتر من صفقة وأنا كنت مرشح 3 مهاجمين للأهلي والاختيار من الأهلي وقع على كامويش ومنهم مهاجم جزائري ولما الأهلي طلب مني تكليف عملته.
وأضاف فراس: رشحت توروب وغير توروب وده شغلي والأهلي بيشوف الأنسب بالنسباله إيه؟.
وأكمل شوبير: فراس قالي توروب محترم جدا كشخصية ومدرب والراجل لازم تكون في أدوات في إيده لازم يشتغل بيها عشان ينجح وبتكلم على الإطار العام ومينفعش طول الوقت في هجوم عليه دائما وهو مش بتاع رد وتوروب عايز النادي يدافع عنه.
