يوسف الشريف يكشف عن تحدياته رفقة أولاده في بداية الانفصال وسبب غيابه عن الدراما
كشف الفنان يوسف الشريف، عن سبب غيابه عن الدراما، موضحًا أنه لم يكن يجد العمل المناسب الذي يحترم خلاله عقل المشاهد كما اعتاد منه جمهوره، بجانب الحديث عن التحديات التي واجهته رفته أولاده في بداية فترة الانفصال.
وقال يوسف الشريف، في لقائه في برنامج صاحبة السعادة: الفترة اللي فاتت دي جائز كنت بحاول أعمل أعمال تانية ومكنش عندي الفرصة أني أقدم اللي أنا عايز أعمله بالشكل المظبوط في وجهة نظري اللي أحس أني بحترم فيه الناس، وده العقد اللي أنا ماضيه مع الناس بشكل ضمني
وتابع يوسف الشريف: دايمًا اللي بفكر فيه ليه أشتغل وإيه اللي هينفعني لو عملت العمل ده، والفترة اللي فاتت حاولت أن يبقى في الفرصة اللي فيها العمل المظبوط ويتنفذ بالطريقة المظبوطة اللي أحضره واشتغله بشكل صح.
كيف واجه يوسف الشريف وأبناؤه أول فترة عقب الانفصال؟
أما عن التحديات التي واجهته رفقة أولاده في بداية فترة انفصاله عن المؤلفة إنجي علاء، فعلق يوسف الشريف: أنا عايش مع أولادي عبد الله وعبد الرحمن، هما تؤام متماثل وعندهم 16 سنة، في بداية التجربة كانت صعبة وكنت بقول هكمل إزاي أنا بليد جدًا في كل حاجة، لغاية أننا في أول أيام في التجربة دي كنا بندور على الغسالة في البيت، قعدنا وعملنا خطة وكل التفاصيل كانت ملغبطة، ودلوقتي بعتمد عليهم وبيساعدوني في كل حاجة ودلوقتي بيساعدوني في شغلي.
