دفاع سارة خليفة لهيئة المحكمة: مش عاوز أطلب رد المحكمة لأول مرة في حياتي
استمعت الدائرة 20 لمرافعة المحامي محمد حمودة، دفاع المنتجة سارة خليفة المتهمة و27 آخرين بجلب وتصنيع المواد المخدرة.
وقال المحامي محمد حمودة: مش عاوز أطلب رد المحكمة لإني ما قدمتش الطلب ده طول حياتي.
كما طالب بتعديل القيد والوصف للقضية.
من جانبها استمعت هيئة محكمة جنايات القاهرة الجديدة في وقت سابق لأقوال ناصر عيد رمضان، حارس عقار، حول المتهم السادس عشر بصفته شاهد نفي في قضية المخدرات المتهم فيها سارة خليفة وآخرون.
ووجهت له المحكمة سؤال حول ما هي صلته بالمتهم السادس عشر في القضية؟ أجاب الشاهد: معرفش اسمه كامل غير إن اسمه هاني ومعرفش الواقعة حصلت إمتى، واللي أعرفه عنه إنه ساكن في العمارة عندي في حدائق الأهرام من حوالي 3 أو 4 أو 5 شهور.
واستكمل: اللي أنا فاكره إنه غاب عن البيت 5 أيام ورجع بس مش متذكر التاريخ ولما وصل دخل عربيته الجراج وقالي هاتلي المكواة، ولما روحت مراتي طلبتني وقالتلي في ناس عايزينك.
وواصل: لما روحت سألوني عن هاني ساكن فين، وبعدين طلعوا كسروا الباب ودخلوا يفتشوا وأخدوا التليفون بتاعي ولما طلعوا رجعهولي، قعدوا ساعتين تقريبًا وبعدين أخدوه في العربية اللي كانت في الجراج ومشيوا وهما اللي قفلوا الباب.
