ننشر التحقيقات مع سائق التوكتوك في واقعة إنهاء شخصين حياة سيدة ببولاق الدكرور
كشفت التحقيقات في واقعة مقتل سيدة داخل مسكنها بمنطقة بولاق الدكرور بالجيزة، والمعروفة إعلاميًا بـ جريمة النقاب، تفاصيل جديدة.
التحقيقات مع سائق التوكتوك في واقعة إنهاء شخصين حياة سيدة ببولاق الدكرور
وحصل القاهرة 24 على نص التحقيقات، حيث جاءت أقوال سائق التوك توك الذي أوصل المتهمين إلى مسكن المجني عليها أمام جهات التحقيق كالتالي:
س: ما صلتك بكل من المتهمين حسن.م.إ.م وفراج.ع.ا.م؟
ج: حسن أنا عارفه من زمان عشان كان معاه توكتوك وكان مشغله في الموقف اللي أنا شغال فيه إنما اللي اسمه فراج أنا معرفوش وأول مرة أشوفه كان لما كان مع إسلام في اليوم اللي حصل فيه المشكلة.
س: وما طبيعة العلاقة بينكما وهل من ثمة خلافات؟
ج: لا، العلاقة مجرد معرفة يعني ومفيش بينّا خلافات ولا أي حاجة.
س: إذًا ما معلوماتك بشأن الواقعة محل التحقيق؟
ج هو اللى حصل إني شغال سواق توكتوك في موقف ببولاق الدكرور وأنا واقف هناك لقيت حسن جالي وراح ندالي وقالي إنه عاوزني أروح معاه مشوار فأنا سألته إيه هو المشوار قال إنه ليه ورق عند مراته الثانية وعاوز أجيبه فانا قولتله ماشى وراح واخد رقمي وقالي هكلمك كمان ساعة وهقولك هنتقابل فين، وفعلا بعد حوالي ساعة كلمني وقالي تعاله عند الشوربجي وفعلا روحتله وكان معاه اللى اسمه فراج واحنا ماشيين لقيته راح مطلع هدوم من شنطة كانت معاه وبدأ يلبس هو واللي اسمه فراج، فأنا سألته أنت ليه بتعمل كدا، قالي عشان مش عاوز حد يشوفني ووصفلي أمشي إزاي لحد وما وصلنا عند ميدان الجمهورية وراح قالي نزلنا عند البيت اللى تحت القهوة، وفعلا رحت قدام البيت وراحو نزلوا ودخلو البيت ومشيت، وبعد حوالي نصف ساعة لقيت إسلام كلمني وقالي تعالى عند البيت اللي نزلنا عنده عشان تاخدنا وفعلا رحتلهم وأول لما وصلت عند البيت لقيت اللى اسمه فراج نزل الأول ووراه حسن ورحنا مشينا لحد ما وصلتهم عند الرشاح ومشيت وهو دا كل اللي حصل.
س: متى وأين كان ذلك؟
ج كلام دا حصل يوم 2026/1/18 أول لما إسلام جالي أول مرة كانت الساعة حوالي 8 الصبح وكنت ساعتها في موقف الطابق ولما حسن كلمني ورحتلهم كانت الساعة حوالى 9:20 صباحا في شارع الشوريجي.
س: صف لنا كيفية تنكر سالفي الذكر أنذاك؟
ج: وإحنا ماشين كان ساعتها حسن معاه شنطة ولقيته راح مطلع منها هدوم فأنا في الأول مكنتش واخد باللي هي إيه لحد لما حسن إدّا هدوم لفراج وبدأ يلبس لقيت إن الهدوم دى طلعت نقاب وبعدها لقيت حسن لبس نفس الهدوم.
س: صف لنا طبيعة تلك الملابس؟
ج هو فراج لقيته لبس جلبية وكان لونها موف ولبس فوقيها خمار وراح لابس نقاب لونه أسود وبعدها لقيت حسن لبس جلبية سودا ولابس عليها طرحة وراح لبس النقاب وكان لونه اسود برده وقالولي امشي بالتوكتوك.
س: وإلى أين؟
ج: أنا مكنتش عارف طريق البيت بتاع مراته اللى كان قالي عليه هو فضل يوصفلي إني أخش من هنا لهنا لحد ما وصلنا عند ميدان الجهورية بزنين ووقفنا عند بيت وكان تحتيه قهوة.
